भट्टको नेतृत्वमा नेकपा (एमाले) गोदावरी नगर कमिटी घोषणा

अत्तरिया,१८ माघ / नेकपा एमाले गोदावरी नगरकमिटीको नयाँ नेतृत्व चयनको लागी अध्यक्ष मण्डलले नाम प्रस्ताब गरेको छ । कैलाली जिल्ला अध्यक्ष रतन थापा सहितको अध्यक्ष मन्डल नगरकमिटीका पदाधिकारीको नाम घोषणा गरेर बाहिरएका छ ।

जस अनुसार अध्यक्षमा गोकर्ण भट्ट ,उपाध्यक्षमा बल बहादुर चौधरी ,सचिबमा जिबन कुमार  शाह रहेका छन । यस्तै उप-सचिबमा राधा जोशी र महाबिर बिक मुन्ना रहेका छन ।  नगरकमिटी ७२ सदस्ययी प्रस्ताब गरिएको छ ।

सर्ब सम्मतीले नेतृत्व चयन गर्ने भनिएपनी सचिबमा सहमती नहुँदा बिबादका बिच अध्यक्ष मन्डलले नाम प्रस्ताब गरेको हो ।  कैलाली  जिल्लाको चुनाव देखी नै गोदावरीमा एमालेका नेता कार्यकर्ताहरु दुई धारमा बिभाजित रहेका थिए ।

जिल्ला अध्यक्षमा रण बहादुर चन्दलाई समर्थन गरेको समुहले आफुहरुलाई उपेक्षा गरेको जनाएको छ । उनिहरुले जिल्ला सचिब डेजी पाण्डे सँग गुनासो पोखिरहेका छन । उक्त समुहले सचिब र एक उप सचिब आफुहरुले पाउनु पर्ने दाबी गर्दै आएको थियो ।

 जिल्लाको सम्पूर्ण नेतृत्व पनि पूर्ण रुपमा कमिटी घोषणा गर्न एकमत नभएको नेताहरुको भनाई रहेको छ । अहिले पनि बन्द सत्र स्थलमा असन्तुष्ट समुहले छलफल जारी राखेको छ ।