टाउकोमा गम्भीर चोट लागेका मोहन्यालका एकजनकको हेलिकप्टर मार्फत उद्धार  

धनगढी, असार १७ - कैलालीको मोहन्यालका एक जना घाइतेलाई हेलिकप्टर चार्टर गरी उद्धार गरिएको छ । सामाजिक विकास मन्त्री कृष्णराज सुवेदीको पहलमा मोहन्याल गाउँपालिका २ खिमडीका ३२ वर्षीय तिलक बुढामगरको उद्धार गरिएको हो । 
आज दिउँसो प्रहरी चौकीको प्रतिक्षालय निर्माणका लागि ढुङ्गा निकाल्न जानेक्रममा उनी भिरबाट खसेको ढुङ्गाले टाउकोमा लागि गम्भीर घाइते भएका थिए । 
उनलाई हेलिकप्टर मार्फत कोहलपुर मेडिकल कलेज लगिएको सामाजिक विकास मन्त्री कृष्णराज सुवेदीका स्वकीय सचिव लोकेन्द्र धामीले जानकारी दिए ।