डोटीमा जिप दुर्घटना ८ जना घाइते, दुईको अवस्था गम्भीर

डोटी १३ बैशाख /   डोटीमा जिप दुर्घटना हुँदा ८ जना घाइते भएका छन् । जिल्लाको सायल गाउँपालिका वडा नम्बर १ तेलपारामा सु. प.प्र ०१००१ज १३३४ नम्बरको जिप दुर्घटना हुँदा ८ जना घाइते भएका हुन् ।
जिल्ला प्रहरी कार्यालय डोटीका प्रवक्ता तथा प्रहरी नायव उपरीक्षक भोला कुमार भट्टका अनुसार दुर्घटना परि घाइते भएका मध्ये २ जनाको अवस्था गम्भीर रहेको छ । गम्भीर घाइते दुवै जनालाई उपचारको लागि शैलेश्वरी अस्पताल दिपायल ल्याइएको छ ।अन्य घाइतेको स्थानीय स्वास्थ्य चौकीमा उपचार भइरहेको छ । सायल बाट १४ जना यात्रु बोकेर दिपायल आउँदै गरेको जिप शुक्रवार बिहान साढे १० बजे दुर्घटनामा परेको हो।जिप १०मिटर तल खसेको र चालकलाई नियन्त्रण लिएर घटना बारे थप अनुसन्धान भइरहेको जिल्ला प्रहरी कार्यालय डोटीले जनाएको छ ।