रासायनिक मलखादको प्रयोग सम्बन्धी कृषक अगुवाहरूलाई अभिमुखीकरण सुरु

धनगढी, २१ पौष – साल्ट ट्रेडिङ कर्पोरेसनले रासायनिक मलखादको प्रयोग सम्बन्धी कृषकहरूलाई अभिमुखीकरण तालिम दिन सुरु गरेको छ । रासायनिक मलखादको जथाभाबी तथा मात्रा नमिलाएर प्रयोग गर्नाले माटोको उर्वरा शक्ति ह्रास हुन थालेको भन्दै कृषकहरूलाई अभिमुखीकरण तालिम दिन सुरु गरिएको साल्ट ट्रेडिङ कर्पोरेसनका सहायक महा–प्रबन्धक केशव प्रसाद पाण्डेयले बताए । 

अभिमुखीकरणमा सालट्रेडिङ कर्पोरेसनले वितरण गर्दै आएको गैर गैर अनुदानित रासायनिक मलखादको प्रयोग विधि तथा प्रभावकारिता सम्बन्धी मल तथा कृषि विज्ञ भगवान् खतिवडाले अभिमुखीकरण दिइरहेका छन् । 
अभिमुखीकरणको सोमबार सुदूरपश्चिम प्रदेशका भूमि व्यवस्था, कृषि तथा सहकारी मन्त्री विनीता चौधरीले कैलालीको भजनी नगरपालिकाबाट उद्घाटन गरिन् । 
अभिमुखीकरण पौष २८ गतेसम्म सञ्चालन हुने साल्ट ट्रेडिङ कर्पोरेसनको धनगढी कार्यालयले जानकारी दिएको छ ।