डोटीको गोपघाटमा २ दिने निःशुल्क स्वास्थ्य शिविर सुरु, एकै दिन ९५ जनाको उपचार 

डोटी, चैत्र १ – डोटीको शिखर नगरपालिकाको गोपघाटमा दाँत तथा पाठेघर सम्बन्धी २ दिने निःशुल्क शिविर आजबाट सुरु भयको छ । सिताराम तेज स्मृति प्रतिष्ठान डोटीको आयोजना तथा शिखर नगरपालिकाको सहयोग र सु जङ्ग अस्पताल, सेती डेन्टल होम, शिखर पोलिक्लिनिकको प्राविधिक सहयोगमा उक्त शिविर सुरु भयको हो । 
गाउँमा बस्ने गरिब मानिसलाई सहज रूपमा सेवा दिने उद्देश्यले शिविर सञ्चालन गरिएको प्रतिष्ठानका अध्यक्ष दीर्घ बलायरले जानकारी दिनु भयो । आज एक औपचारिक कार्यक्रमका बिच शिखर नगरपालिकाका प्रमुख सिताराम जोशीले शिविरको उद्घाटन गर्नु भयको थियो । शिविरको पहिलो दिन आज ९५ जना दाँत र ५० जना  पाठेघर खसेका बिरामीको उपचार गरिएको आयोजक संस्थाले जानकारी दिएको छ । शिविर भोलि सम्म सञ्चालन हुनेछ ।