गाउँनै सिल गरिएको हप्ता दिन पछि बोगटान गाउँपालिका वडा नम्बर ४ को दुवातल गाउँमा भोलि स्वाब संकलन गरिने

२०७७ भदौ १३गते,शनिबार
चक्र बलायर,डोटी
बोगटान गाउपालीकाको वडा नम्बर ४ दुवातल गाउँमा भोली स्वाब संकलन गरीने भएको छ । भारतबाट आएका युबालाई कोरोना संक्रमण पुष्टि भएपछी सिल गरिएको उक्त गाउँमा भोली स्वाब संकलन गरीने बताइएको छ । उक्त गाउका बासिन्दाले गाउँनै सिल गरीएको हप्ता दिन बितिसक्दा पनी अझै कन्ट्रयाक्ट ट्रेसिङ मार्फत स्वाब संकलन हुन नसकेको भन्दै गुनासो गरीरहेका छन ।

जनताको गुनासो बढेपछी भोली स्वाब संकलन गरीने वडा अध्यक्ष दिप बहादुर बमले जानकारी दिए। संक्रमित युवाको परीवारका २० जना संगै उनिहरुको सम्पर्कमा आएका थप १० जनाको स्वाब संकलन गरीने उनले बताए। स्वाब संकलनका लागि स्वास्थ्यकर्मीको टोली त्यहा पुगीसकेको बताइएको छ। भारतबाट आएका २२ बर्षिय युबालाई कोरोना संक्रमण पुष्टि भएपछी उक्त गाउलाई सिल गरिएको थियो । तर गाउँलाई सिल गरीएको भनिए पनि भिडभाड र आवत-जावत नरोकिदा संक्रमण फैलिने चिन्ता गरिएको छ।