डोटीमा जिप दुर्घटना,१२ जना घाईते

२०७७ भदौ २६ गते,शुक्रबार
चक्र बलायर,डोटी

जिल्लाको पुर्बिचौकि गाउपालीका वडा नम्बर १ शान्तिनगरमा अाज बिहान जिप दुर्घटना हुदाँ १२ जना घाइते भएका छन ।

धनगढी बाट अछामका लागि छुटेको से१ज१०६६ नम्बरको जिप दुर्घटना हुदा १२जना घाइते भएका हुन।घटना अाज बिहान करिब ५ बजेतिर भएको र जिप घटना स्थलबाट करिब ६० मिटर तल खसेको जिल्ला प्रहरी कार्यालय डोटीका प्रहरी निरिक्षक कर्ण बोहोराले बताएका छन।

दुर्घटनामा परि घाइते हुनेमा अछामको मेल्लेक गाउपालिका वडा नम्ब, ६ सोडसा का ४८ बर्षिय रंग टमटा,४५ बर्षिय दाने टमटा,३६ बरषिय रुप बहादुर खड्का,३४ बर्षिय कमला खड्का,४८ बर्षिय दान बहादुर टमटा,३० बर्षिय सपना टमटा,४० बर्षिय मनसरा टमटा,४८ बर्षिय चंखे टमटा र सोही ठाउँका १२ बर्षिय पारस टमटा रहेका छन ।सोही जिल्लाको बान्निगडि नगरपालिका ६ का ४८ बर्षिय धन बहादुर शाह उक्त नगरपालिकाको वडा नम्बर ३ का ४९ बर्षिय नर बहादुर रावल घाइते भएकाछन। त्यसैगरि बाजुराको त्रिबेणि नगरपालिका वडा नम्बर ८ कालापानिका १९ बर्षिय राजेन्द्र बम घाइते भएका छन ।

दुर्घटनामा परी घाइते भएका १२जनाको जिल्ला अस्पताल डोटीमा उपचार भैरहेको छ ।घाईते मध्य ३ जनाको अबस्था गम्भीर रहेको छ ।
दुर्घटना के कति कारणले भएको हो भन्ने अनुसन्धान भईरहेको र प्रारम्भिक अनुसन्धान अनुसार मोड काट्ने क्रममा दुर्घटना भएको हुनसक्ने प्रहरी निरीक्षक बोहोराले बताए ।जिप चालक भने फरार रहेका छन ।