बडीकेदार गाउँपालिकाबाट प्रवाह हुने सम्पूर्ण सेवाहरु ७ दिनका लागि बन्द

२०७७, असोज १६ गते शुक्रबार
चक्र बलायर ,डोटी
बडिकेदार गाउपालिका एक हप्ताका लागि बन्द गरिएको छ ।

डोटीको बडीकेदार गाउँपालिकामा कार्यरत एक कर्मचारीमा कोरोना भाइरसको संक्रमण पुष्टि भएसँगै कार्यालयको सम्पूर्ण काम काज एक साताका लागि बन्द गरिएको छ ।

गाउँपालिकामा कार्यरत कर्मचारीमा कोरोना भाइरसको संक्रमण पुष्ठी भएसँगै उच्च सतर्कता अपनाउँदै एक साताका लागि बन्द गर्ने निर्णय गरिएको निमित्त प्रमुख प्रशासकीय अधिकृत खडक बहादुर धामीले बताए ।

असोज ११ र १२ गते शङ्कास्पद ४० जनाको पिसीआर परीक्षणको लागि थ्रोट स्वाब सङ्कलन गरी सेती प्रादेशिक प्रयोगशालामा पठाएकोमा बिहीबार प्राप्त नतिजा अनुसार गाउँपालिकामा कार्यरत एक जनाकर्मचारी, २ जना स्थानीय बासिन्दा र एकजना बोगटान गाउँपालिकाका स्थानीय सहित चार जनामा कोरोना संक्रमण पुष्टि भएको निमित्त प्रशासकीय अधिकृत धामीले बताए ।

गाउँपालिकाले शुक्रबार सूचना जारी गर्दै गाउँपालिकाबाट प्रवाह हुने सम्पूर्ण सेवा तथा कार्यक्रमहरू ७ दिनका लागि बन्द गरिएको जानकारी दिएको छ । गाउँपालिकामा कार्यरत कर्मचारीमा नै कोरोना भाइरस संक्रमणको पुष्टि भएपछि पीसीआर परीक्षण गर्न बाकी सबै कर्मचारीहरूको पीसीआर परीक्षण गरिने समेत धामीले बताए ।

बिहीबार देखिएका तिन जना सँगै गाउँपालिमा हाल सम्म संक्रमणको संख्या १६ जना मात्र रहेको छ । अरू १३ जना उपचार पश्चात घर फर्किसकेका छन् भने ३ जनालाई मात्र आइसोलेसनमा राखिएको छ ।