अन्तरराष्ट्रिय विपद जोखिम न्युनिकरण दिवस डोटीमा पनि  मनाईयो

२०७७ कात्तिक २ गते ,आईतवार
डोटी ,
“विपद जोखिम न्युनिकरण मैत्री सुशासन, सुरक्षित भविष्यकालागी हाम्रो अभियान” भन्ने नाराका साथ अन्तरराष्ट्रिय विपद जोखिम न्युनिकरण दिवस हरेक वर्षझै यसपाली पनि अक्टोवर १३ देखि सप्ताहव्यापी रुपमा भव्यताका साथ मनाईदै छ ।
यसै उपलक्ष्यमा डोटीको आदर्श गाँउपालिकामा पनि स्थानिय स्तरका सरोकारवालाहरुको उपस्थितीमा कोरोना भाईरसको विपत्ति संग जुध्न अवलम्वन गरिने सुरक्षात्मक क्रियाकलाप संगै विभिन्न सुचनामुलक कार्यक्रमहरु संचालन भईरहेकाछन् ।

सामुदायिक विकास केन्द्र डोटी र वर्ल्ड  भिजन इन्टरनेशनल नेपालको सहयोग तथा आदर्श गाँउपालिकाको समन्वयमा स्थानिय स्तरमा हुने विपद जोखिम कम गर्न सो सप्ताहव्यापी दिवस मनाउन लागिएको हो । उक्त कार्यक्रम सन १९८९ अक्टोवर १३ मा पहिलो पटक संयुक्त राष्ट्र संधको प्रयासमा मनाउन सुरु गरिएको हो ।