गौरीगंगामा नगरपालिका स्तरिय मानवअधिकार संरक्षण समिति गठन

धनगढी । कैलालीको गौरीगंगा नगरपालिकामा नगरपालिका स्तरिय मानवअधिकार संरक्षण समिति गठन भएको छ ।
गौरीगंगा नगरपालिकाका नगर उपप्रमुख अञ्चला चौधरीको संयोजकमा उक्त समिति गठन गरिएको हो । समितिमा सदस्य सचिव जयन्द्र ठकुल्ला त्यस्तै सदस्यहरुमा चन्द्रबहादुर थापा,दिनेश चौधरी,भगवती नेपाली,नामसरा नेपाली र यशोदा बराल रहेका छन् ।
नगरपालिका स्तरिय मानव अधिकार समितिले नगरपालिकामा हुने मावअधिकार हनन्का घटनामा आवश्यक पहल गर्ने,मानव अधिकार मैत्री नगरपालिका बनाउनका लागि रचनात्मक भुमिका खेल्नुपर्ने जनएको छ ।
एफएमडिसी,बिकास र सामाजिक परिवर्तनका लागि संचारको आयोजनामा भएको कार्यक्रममा नगरप्रमुख भिमबहादुर देउवा,उपप्रमुख अञ्चला चौधरी,प्रमुख प्रशासकीय अधिकृत खगेन्द्रराज जोशी, एफएमडिसीका कार्यक्रम संयोजक ओम जोशी लगाएतको सहभागिता रहेको थियो ।