कम्युनिष्टका उम्मेदवार सहित ७० जना नेपाली काङ्ग्रेसमा प्रबेश  

      नेपाली काङ्ग्रेस गौरीगंगा नगरपालिका वडा न . ६ को वडा कृयाशिल भेला तथा अन्तरक्रिया कार्यक्रममा विभिन्न पार्टी परित्याग गर्नेहरुलाई नेपाली काङ्ग्रेसका महासमिति सदस्य टेकराज जोशीले ७० जनालाई पार्टी प्रबेश गराउनु भएको छ । आइतबार गौरीगंगा नगरपालिकाको वडा न ६ बनबेहडामा आयोजित कार्यक्रममा नेकपा एमालेका गौरीगंगा नगरपालिका वडा न ६ का वडा सदस्यका उम्मेदवार आशाराम चौधरी , मधेसी जनधिकार फोरमबाट वडा अध्यक्षका उम्मेदवार जुगीराम चौधरी ,नेकपा माओवादी ( केन्द्र ) का केशब सार्की सहित झन्डै ६ दर्जन नेता कार्यकर्तालाई जोशीले नेपाली काङ्ग्रेसमा प्रबेश गराउनु भएको छ  ।
   पार्टी प्रबेशीलाई स्वागत गर्दै नेपाली काङ्ग्रेसका महासमिति सदस्य एवं कार्यक्रमका प्रमुख अतिथी टेकराज जोशीले पार्टीका विभिन्न तह तप्कामा रहेका सबैले नवप्रबेशीलाई उचित स्थान दिन कुनै कन्जुस्याइँ नगर्न आग्रह गर्दै नेपाली काङ्ग्रेस कैलालीलाई एक ढिक्का बनाएर लैजानु पर्नेमा जोड दिनु भयो । पार्टीका सके सम्म वडा देखि नै सर्बसम्मतको बाताबरण बनाउन लाग्नुपर्ने बताउनु भएको थियो । एक अर्को प्रसंगमा कम्युनिस्टको दुई तिहाई नफापेपछी देशमा अस्थिरता आएको बताउनुभयो ।
नेपाली काङ्ग्रेसका वडा सभापति दानबहादुर कुवँरको सभापतित्वमा भएको कार्यक्रममा नेपाली काङ्ग्रेसका महासमिति सदस्य टेकराज जोशी प्रमुख अतिथी रहनु भएको थियो । कार्यक्रममा पुर्ब वडा सभापति एवं क्षेत्रीय सदस्य पुरन सिंह कडायतले स्वागत गर्नु भएको थियो भने कार्यक्रमको सञ्चालन नगर सचिव हेमन्त जोशीले गर्नु भएको थियो ।