प्रथम प्रदेशस्तरीय भलिबलमा  ः डडेल्धुरालाई हराउँदै डोटी बिजयी

धनगढी – धनगढीमा जारी प्रथम सुदूरपश्चिम प्रदेशस्तरीय पुरुष भलिबल प्रतियोगितामा डोटी बिजयी भएको छ । डोटीले डडेल्धुरा माथि उत्कृष्ट जित निकाल्दै बिजयी भएको हो । डडेल्धुरालाई ३–० को सेटमा पराजित गरी जित हाँसिल गरेको छ ।
 

उपाधिसँगै डोटीले नगद एक लाखसहित ट्रफी पाएको छ भने डडेल्धुराले नगद ५० हजारसहित ट्रफीमा चित्त बुझाएको छ। यस्तै प्रतियोगिताको सेमिफाइनलसम्म पुग्ने दुई टीम कैलाली र कन्चनपुरले पच्चिस पच्चिस हजार नगदसहित ट्रफी पाएका छन्। विभिन्न ५ वटा विधाका उत्कृष्ट खेलाडीलाई पनि पुरस्कार दिइएको छ। प्रतियोगिता असोज २० गतेबाट धनगढीको कबडलमा सञ्चालन भएको थियो । सुदूरपश्चिम प्रदेश खेलकुद परिषद्को आयोजनामा प्रतियोगिता भएको थियो।