सबैलाई रुचाउने काग्रेस बनाउछु : सभापति सिंह

डाेटि / नेपाली कांग्रेस दिपायल सिलगढी नगरकार्य समिति डाेटिले पार्टी कार्यालयु सिलगढीमा आयाेजना गरेकाे राष्ट्रिय मेलमिलाप दिवसकाे कार्यक्रममा नेपाली काँग्रेसका डाेटि जिल्ला पार्टि सभापति नरेन्द्र सिंहले सवैलाइ रुचाउने काग्रेस वनाउने  बताएका छन् ।

उक्त मेलमिलाप कार्यक्रमकाे सभापतित्व नगरसभापति गणेश मलासिले गरेका थिए, भने प्रमुख अतिथिमा पार्टी सभापति नरेन्द्र सिंह, विशिष्ट अतिथि प्रदेश सभा सदस्य प्रेमा श्रेष्ठ,अतिथिमा पार्टी उप-सभापति विजय सिं खड्का लगायत पार्टी संग आस्थावान हरुको उपस्थिति रहेको थियो।

नेपाली कांग्रेस दिपायल सिलगढी नगरकार्य समिति डाेटिले सिलगढीमा आयाेजना जस्तै नेपाली कांग्रेस डोटीले जिल्लाका ९ वटै पालिकाहरुमा कार्यक्रमको आयोजना गरि मेलमिलाप कार्यक्रम मनाएको हो ।

नेपाली कांग्रेसका संस्थापक एवं नेपाली कांग्रेसको सिद्धान्त प्रजातान्त्रिक समाजवादका प्रतिपादक बिपी कोइराला सहितका नेताहरू आठ वर्ष निर्वासित जीवन बिताएर २०३३ पुस १६ गते स्वदेश फर्केको दिनको सम्झनामा कांग्रेसले हरेक वर्ष पुस १६ गते राष्ट्रिय एकता तथा मेलमिलाप दिवस मनाउँदै आएको छ । मेलमिलाप दिवस पञ्चायती निरङ्कुशतामा आठ वर्षको भारत निर्वासित जीवन त्याग गरी कांग्रेसका संस्थापक जननायक बिपी कोइरालासहित लौहपुरुष गणेशमानसिंह, नेत्री शैलजा आचार्य, खुमबहादुर खड्का लगायतका दर्जनौँ नेता राष्ट्रिय एकता र मेलमिलापको सन्देशसहित नेपाल फर्किएका थिए । मुलुकको सार्वभौमसत्ता रक्षा गर्न जनताकै बीचमा रहनुपर्दछ भन्ने सोचका साथ उहाँहरु भारतको निर्वासित जीवन त्यागेर स्वदेश फर्किएका थिए ।