बझाङमा करणी आरोपमा १३ वर्षीय नाबालक पक्राउ

बझाङ। बझाङमा २८ वर्षीया महिलालाई जबरजस्ती करणी गरेको आरोपमा १३ वर्षीय नाबालक पक्राउ परेका छन्। छबिसपाथिभेरा गाउँपालिकाकी एक महिलालाई आइतबार दिउँसो ३ बजे जबरजस्ती करणी गरि फरार भएका एक नाबालकलाई पक्राउ गरिएको हो ।

अल्जाइमर भएकी उनलाई जबरजस्ती करणी गरि फरार भएका नाबालकलाई प्रहरीले आइतबार साँझ ६:३० बजे बालुवाटार नजिक पुरानो घरमा लुकेको अवस्थामा पक्राउ गरेको जिल्ला प्रहरी कार्यालय बझाङले जनाएको छ।

बुबाको निधन भइसकेको र आमा आइतबार नै डोटी गएका बेला नाबालकले यस्तो घटना घटाएको खुल्न आएको छ।एक्लै भएको मौका छोपी बलात्कार गर्न पसेका बालकलाई पीडित बलात्कृत युवतीकी आमाले देखेपछि फरार भएका थिए। युवतीकी आमाले आफ्नै छोरी बलात्कृत भैरहेको देखेको बुझिएको छ। उक्त विषयमा थप अनुसन्धान भइरहेको बझाङ प्रहरीले बताएको छ।