इलाका प्रहरी कार्यालय कमलबजारले गर्‍यो अवैध गाँजा फडानी

अछाम । इलाका प्रहरी कार्यालय कमलबजारले लागुऔषध गाँजा फडानी गरेको छ । सोमबार कमलबजार नगरपालिका-२ पुरानापानी एरियाको खेतबारीमा रहेको अन्दाजी २५० भन्दा बढी गाँजाको बोटहरू फडानी गरिएको हो ।
इलाका प्रहरी कार्यालय कमलबजारका प्रमुख तथा प्रहरी निरीक्षक वीरेन्द्र सिंह जोहारी गाँजाका बोटहरू फडानी गर्न आफै खटिएका छन् ।
प्रहरी निरीक्षक जोहारीको कमाण्डमा खटिएको प्रहरी टोलीद्वारा गाँजा फडानी नष्ट गरी स्थानीय बासिन्दालाई लागूऔषधको सेवनले पार्ने असरबारे सचेतना पनि दिइएको बताइएको छ ।
यस्तै प्रहरी निरीक्षक जोहारीका अनुसार इलाका प्रहरी कार्यालय मातहत प्रहरी चौकी ढकारी र तुर्माखादले समेत आ-आफ्नो वडा तथा एरियामा स्थानीय बासिन्दा जम्मा गरी लागुऔषधविरुद्ध सचेतनामूलक कार्यक्रम गरेका छन् ।
लागुऔषध विरुद्धको महाअभियान २०८० अन्तर्गत गाँजा फडानी गरिएको कमलबजार प्रहरीले जनाएको छ ।