फूलबारी महोत्सवको चौथो संस्करण आगामी पौष १३ गते देखि २२ गतेसम्म

धनगढी, मंसिर २३ -

 यस वर्षको फूलबारी महोत्सवको चौथो संस्करण आगामी पौष १३ गते देखि २२ गतेसम्म आयोजना हुने भएको छ । धनगढी उप महानगरपालिका वडा नम्बर १४ मा महोत्सव आयोजना हुने आयोजकले जनाएको छ । 
न्यु बुद्ध स्पोर्ट्स युवा क्लबको आयोजनामा यही पुस १३ गते देखि २२ गते सम्म महोत्सव हुने आयोजक क्लबका अध्यक्ष महेश गोलेले जनाउनु भयो । 
महोत्सवमा १ सय ५० को हाराहारीमा व्यापारिक स्टल, स्थानीय कला तथा परम्परागत संस्कृति झल्काउने खालका आदिवासी नमुना गाउँ लगायत हुने आयोजकले जनाएको छ । 

आज धनगढीमा आयोजना गरिएको पत्रकार सम्मेलनमा बोल्दै अध्यक्ष गोलेले महोत्सवमा ४० लाखको कारोबार हुने बताउनु भयो । 

राष्ट्रिय तथा स्थानीय स्तरका कलाकारका विभिन्न प्रस्तुत, जिल्ला स्तरीय लोकदोहोरी प्रतियोगिता लगायतका कार्यक्रम महोत्सव अवधि भरी आकर्षकका रूपमा रहेन क्लबका सचिव कृत विष्टले बताउनु भयो ।