लिटल फ्लावरको वार्षिक पुरस्कार वितरण कार्यक्रम सम्पन्न

धनगढी, फागुन १६ – लिटल फ्लावर स्कुलको वार्षिक पुरस्कार वितरण कार्यक्रम सम्पन्न भएको छ । वार्षिक रूपमा स्कुलले सञ्चालन गरेका विभिन्न प्रतियोगिता तथा अन्य बाहिरी प्रतियोगितामा विद्यार्थीहरूले हासिल गरेका उपलब्धिहरू स्वरूप विद्यार्थीहरूलाई विद्यालयले आज एक कार्यक्रमको आयोजना गरी पुरस्कार वितरण गरेको हो । 

लिटल फ्लावर बोर्डिङ हाइ स्कुलका संस्थापक प्रिन्सिपल रामचन्द्र शाहीको अध्यक्षतामा सम्पन्न पुरस्कार वितरण कार्यक्रममा प्याब्सन धनगढी नगर कमिटीका अध्यक्ष पदम सिंह साउदको प्रमुख आतिथ्य  रहेको थियो । प्रमुख अतिथिको आसनबाट बोल्दै साउदले लिटल फ्लावर बोर्डिङ हाइ स्कुल सैद्धान्तिक ज्ञान मात्रै नभएर विद्यार्थीहरूलाई अन्य शैक्षिक र पाठ्यक्रम बाहिरका अतिरिक्त क्रियाकलापसमेत गराउन सफल भएकाले स्कुलको प्रशंसा गर्नु भयो । 
उनले अन्य विद्यालयहरूले समेत विद्यार्थीको क्षमता विकासका लागि यसको सिको गर्न आवश्यक रहेको बताउनु भयो । 
साथै कार्यक्रममा प्याब्सनका अन्य पदाधिकारी तथा विभिन्न विद्यालयका प्रिन्सिपलहरूको समेत सहभागिता रहेको थियो ।