विप्लवका सेती महाकाली ईन्चार्ज ओमप्रकाश पुन र उनकी श्रीमती कैलालीबाट पक्राउ

धनगढी, असार ३१ - विप्लव नेतृत्वको नेपाल कम्युनिष्ट पार्टीेका सेती महाकाली ईन्चार्ज ओमप्रकाश पुन पक्राउ परेका छन् । सोही पार्टीका एक बिद्यार्थी नेताका अनुसार पुनलाई धनगढी अनसपासबाटै प्रहरीले पक्राउ गरेको हो ।
ती बिद्यार्थी नेताका अनुसार पुनलाई प्रहरीले केही दिन देखि पिछा गरिरहेको थियो । पुन संगै अनेम संघकी नेतृ पुर्णीमा धामी पनि पक्राउ  परेकी बिप्लव निकट बिद्यार्थी नेताले जानकारी दिए । पुर्णिमा धामी पुनकी श्रीमती हुन ।

जिल्ला प्रहरी कार्यालयक कैलालीले एक महिला र एक पुरुष केही बेर अघि पक्राउ गरिएको जानकारी दियो । कार्यालयले धनगढी उपमहानगरपालिकाको कनरीबाट पक्राउ गरिएका दुई जनालाई जिल्ला प्रहरी कार्यालय ल्याइएको बताउँदै को हुन भन्ने बारे सोधपुछ भैरहेको उल्लेख गरेको छ ।