नेपालमा कोरोना संक्रमण बाट मृत्यु हुनेको संख्या ४१ पुग्यो।

साउन ७,२०७७
नेपालमा मंगलबार राती कोरोना संक्रमणबाट थप एकजनाको मृत्यु भएको छ।

कोरोना संक्रमणबाट महोत्तरीको महोत्तरी गाउँपालिकाका ६४ वर्षीय पुरुषको धरान स्थित विपि कोइराला विज्ञान प्रतिष्ठानमा उपचारको क्रममा मृत्यु भएको महोत्तरीका प्रमुख जिल्ला अधिकारी कृष्णबहादुर कटवालले जानकारी दिए।

कोरोनाबाट मृत्यु भएका पुरुष क्यान्सर रोगी भएको बताइएको छ। उनी क्यान्सरको चौथो स्टेजमा रहेका थिए। मृतक आफ्नो छोरीको घर भारत गएर फर्केका थिए। 
योसँगै नेपालमा कोरोनाबाट मृत्यु हुनेको संख्या ४१ पुगेको छ।