शिखर नगरपालिकाका शिक्षक सिक्दै सिकाउँदै

२०७७ भाद्र २६ गते शुक्रबार 

विश्वलाई नै आतकिंत र मानवीय जीवनलाई कष्टकर बनाईरहेको कोभिड- १९को सबैभन्दा बढी प्रभाव शिक्षा क्षेत्रमा परेको छ। शिक्षा क्षेत्रमा पनि विद्यार्थी सिकाई सहजीकरणका दृष्टिले सामुदायिक विद्यालयमा यसको प्रभाव बढी छ।

निजि विद्यालयहरुले बैकल्पिक माध्यमको पठनपाठनमा अघि बढिरहेको बेला सामुदायिक विद्यालयहरुमा उक्त अभ्यास त्यती देखिएको छैन।देशभरका शिक्षकहरु बिगत ६ महिनादेखि प्रत्यक्ष रुपमा सिकाई क्रियाकलापमा जोडिन सकेका छैनन।

तर डोटीको शिखर नगरपालिकाका शिक्षकहरु भने सिक्न र सिकाउनमा ब्यस्त छ्न।उक्त नगरपालिकाका शिक्षकहरुले शिखर लर्न एन्ड सेयर कोर ग्रुप निर्माण गरि सिकाई आदान- प्रदानमा ब्यस्त रहेका हुन।कोभिड-१९ ले सिर्जना गरेको त्रासको माहोलका बिच सिकाई सहजीकरणलाई कसरी अघि बढाउन सकिन्छ भन्ने उपाय खोज्न उनिहरु निरन्तर छलफल र तालीममा संलग्न रहेकाछन।


कोभिड १९ का दौरान र कोभिड १९ पश्चात सिकाई सहजिकरणगर्ने , शिक्षककाअनुभवहरु आदानप्रदानगर्ने , सिकाई सहजिकरणका अभ्यासहरुको अनुभव साटासाट गर्ने र शिक्षकलाई नवीनतम शैक्षिक प्रविधिसँग जोड्दै अघि बढ्ने उद्देश्यबाट उक्त ग्रुप निर्माण गरिएको बताइएको छ।

यसका साथै शिक्षकको पेशागत बिकास हुने खालका कार्यक्रम संचालन गर्दै शिक्षकहरुलाई सशक्त गर्ने गरि उक्त ग्रुप निर्माण गरिएको शिखर लर्न एन्ड सेयर कोर ग्रुपका संयोजक शेर बहादुर कठायतले बताउनुभयो।

भर्चुअल माध्यमबाट अन्तरक्रियात्मक कार्यक्रमहरु आयोजना गर्दै सिकाईमा शिक्षकहरु जुटिरहेको संयोजक कठायतले बताउनुभयो।
शिखर नगरका स्व–उत्प्रेरित शिक्षकहरुको सिक्ने सिकाउने कार्यलाई आफुले सकारात्मक प्रयासको रुपमा लिएको र आवश्यक सहयोग गर्न सदैव तत्पर रहेको नगर प्रमुख सितारामजोशीले बताउनु भयो ।

नगरपालिकाको शिक्षा, युवा तथा खेलकुद शाखा प्रमुख शिक्षा अधिकृत शेरबहादुर कार्कीले सिक्ने सिकाउने समुहको सफलताको कामना गर्दै शिक्षकहरुलाई आवश्यक पर्ने सिर्जनशिल सहयोगको लागि सदैव तत्पर रहेको बताउनुभयो।

शिखर लर्न एण्ड सेयर कोर ग्रुपले निरन्तर शिक्षक पेशागत विकास कार्यलाई समेत जोड्दै आएको बताइएको छ।उक्त ग्रुपले यही भाद्र २५ देखि २८ गते सम्म भर्चुअल माध्यमबाट आइ.सि.टि.तालिम संचालन गरिरहेको छ। शिक्षकहरुलाई आधुनिक प्रविधि सँग जानकार बनाई शिक्षण सिकाई कार्यलाई प्रभावकारी, रोमाञ्चक एबम प्रविधिमैत्री बनाउन सो तालीम संचालन गरिएको शिखर लर्न एण्ड सेएर कोर ग्रुपका संयोजक शेरबहादुर कठायतले जानकारी दिनुभयो।