Dhangadhi Corona
ad

एलपीएल : काठमाडौँको हिमालय ह्वाइट हाउस सेमिफाइनलमा, शारदा सरस्वतीको दोश्रो जित

LPL 5
March 09, 5:56

कैलाली - कैलालीको धनगढीमा जारी लिटल फ्लावर प्रिमियर लिग (एलपीएल) मा काठमाडौँको हिमालय ह्वाइट हाउस सेमिफाइनलमा प्रवेश गरेको छ । आज भएको दोस्रो खेलमा काठमाडौँकै नेक्सस स्कुललाई ४ विकेटले पराजित गर्दै ह्वाइट हाउस अन्तिम चारमा प्रवेश गरेको हो । टस जितेर पहिले ब्याटिङ गरेको नेक्ससले १९  दशमलव ५ ओभर सबै विकेट गुमाउँदै १ सय ४ रन बनायो । उसका लागि उत्तम थापाले ३२ रन बनाए । बलिङतर्फ ह्वाइट हाउसका गजेन्द्र बोहराले ५ विकेट लिए । 
१ सय ५ रनको विजयी लक्ष्यसहित मैदानमा उत्रिएको ह्वाइट हाउसले १५ ओभरमा ६ विकेट गुमाउँदै लक्ष्य भेट्टायो । ह्वाइट हाउसको जितमा दीपक बोहराले अविजित रहदै ४३ रन बनाए । नेक्ससका पप्पु रायले ३ विकेट लिए । खेलका म्यान अफ द म्याच ह्वाइट हाउसका गजेन्द्र बोहरा भए । योसंगै प्रतियोगितामा सेमिफाइनलमा पुग्ने तीन टीमको टुङगो लागेको छ । यसअघि बाल बाटिका र लिटल फ्लावर अन्तिम चारमा प्रवेश गरिसकेका छन् । 
 

LPL

  
यस अघि मंगलबार भएको पहिलो खेलमा कञ्चनपुरको शारदा सरस्वतीले स्टेपिङ स्टोन बोर्डिङ स्कुललाई ५६ रनले पराजित गर्दै प्रतियोगितामा दोश्रो जित निकालेको छ । शारदाले दिएको १ सय १७ रनको लक्ष्य पछ्याएको स्टेपिङले १४ ओभर ३ बलमा सबै विकेट गुमाउँदै मात्र ६० रन बनाउन सक्यो । स्टेपिङका लागि विशाल बिष्टले १७ र अभिषेक कुँवरले १६ रन बनाउन बाहेक अन्य खेलाडीले दोहोरो अंकमा रन छुन सकेनन् । स्टेपिङलाई सस्तैमा समेट्न शारदाका लागि विकास सुनार र गणेश बहादुरले समान ४–४ विकेट लिए । यसअघि पहिले ब्याटिङ गरेको शारदाले २० ओभरमा ९ विकेट गुमाएर १ सय १६ रन जोडेको थियो । शारदाका लागि सुदिप रोकायाले ३४ रन जोडे । उनले ३५ बलमा चार चौका र एक छक्काको मद्दतमा ३४ रनको योगदान दिएका थिए । त्यस्तै सागर चन्दले २६ रनको योगदान दिँदा अन्य ब्याट्सम्यानले दोहोरो अंक जोड्न सकेनन् । बलिङतर्फ स्टेपिङका लागि अभिषेक कुँवर, रोमन बिष्ट र प्रवेश साउँदले समान २÷२ विकेट लिए । अब शारदा सरस्वतीले आफ्नो तेश्रो खेल भोली अत्तरीयाको होलिल्याण्डसँग खेल्ने छ । 

Alternative text

सम्बन्धित वर्गका समाचारहरू

८ क्रिकेट रंगशालाका लागि ५ करोड, महेन्द्रनगरलाई ७५ लाख
काठमाण्डौं,असार ५  सरकारले खेलकुदका लागि छुट्याएको १ अर्ब ७९ करोड बजेटमध्ये युवा तथा खेलकुद… विस्तृतमा
भाषणमै सीमित फाप्ला क्रिकेट मैदान, तीन वर्षमा सवा सात करोड बजेट…
                                                              गौरवको आयोजना नै भुल्यो सुदूरपश्चिम… विस्तृतमा
चण्डिका ग्रुप लिटल फ्लावर प्रिमियर लिगः भोलि सेमिफाइनलका खेल 
धनगढी - धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर… विस्तृतमा
एलपीएलको सेमिफाइनल समीकरण पूरा : शारदा सरस्ती पनि अन्तिम चारमा…
धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर… विस्तृतमा