डोटीको बुडरमा कार र मोटरसाइकल ठोक्किंदा दुइ जना घाइते

असार २६, डोटी ,डोटीको बुडरमा कार र मोटरसाइकल एकआपसमा ठोक्किंदा दुइ जना घाइते भएका छन् ।
कञ्चनपुरको भाँसीदेखि डडेल्धुरातर्फ जाँदै गरेको बा १४ च ७०६३ नम्बरको कार र जोरायल गाउँपालिका वडा नं. २ मा रहेको छहरा झरना अवलोकन गरी धनगढीतर्फ फर्किरहेको बा ७५ प ७१० नम्बरको मोटर साइकल बुडरको टाएक आपसमा ठोक्किएको घटनास्थलबाट पत्रकार शिव बहादुर ओलीले जानकारी दिए ।
दिउँसो करिब ४ बजेको समयमा भएको घटनामा परी मोटरसाइकल चालक धनगढी उप-महानगरपालिका-१३, राजपुर, कैलाली बस्ने वर्ष १८ का निरज पुजारा र मोटरसाइकलमै सवार धनगढी उप-महानगरपालिका-३, विशालनगर, कैलाली बस्ने वर्ष १६ कि दिक्षा भट्टराई घाइते भएको पत्रकार ओलीले जानकारी दिए ।
मोटरसाइकल चालक पुजाराको खुट्टामा चोट लागेको छ भने अर्का घाइते दिक्षाको घाँटी, हात र खुट्टामा चोट लागेको जनाईएको छ ।
घाइते दुवै जनाको घटनास्थल नजिकै रहेको हेल्थ डेस्कमा प्राथमिक उपचार गरिएको बुडर हेल्थ डेस्क इञ्चार्ज दिनेश रोकायाले नजर अनलाईनलाई जानकारी दिए । उनिहरु दुवैलाई बाह्य चोट लागेको भए पनि भित्री चोट नभएको जनाईएको छ ।
कार चालक भीमदत्त नगरपालिका ३ भाँसी कञ्चनपुरका वर्ष ४० का राजेन्द्र थापा र कारमा सवार अन्य ४ जना यात्रु भने सकुशल रहेको बताईएको छ ।