दुर्गेश थापाले अब कुनै पनि ठाउँमा गीत गाउन नपाउने

१८ साउन, काठमाडौं । राष्ट्रिय लोक तथा दोहोरीगीत प्रतिष्ठान नेपालले गायक तथा मोडल दुर्गेश थापालाई बहिष्कार गर्ने निर्णय गरेको छ । आईतबार बसेको प्रतिष्ठानको केन्द्रीय कमिटी बैठकले थापालाई संस्थागत रुपमा बहिस्कार गर्ने निर्णय गरेको हो ।

थापाले पछिल्लो समय सार्वजनिक गरेको ‘बीच्च बीच्चमा ४– ख्यास्स पुतली’ बोलको गीतमा प्रयोग भएको शब्दमा आपत्ति जनाउँदै प्रतिष्ठानले उनीमाथि कारवाही गरेको हो । गीत सार्वजनिक हुनु अगाडी नै प्रतिष्ठानले शब्दमा आपत्ति जनाएको थियो ।

थापाले आफ्नै शब्द, संगीत र स्वरमा उक्त गीत बजारमा लिएका हुन । सो गीत तीजको मर्म विपरित रहेको र गीतले कला संस्कृतिमाथि नकारात्मक प्रभाव पारेको प्रतिष्ठानको निष्कर्ष रहेको छ । दुर्गेशको गीतले आफूहरुको अपमान भएको भन्दै महिला समूहहरुले समेत आपत्ति जनाएको थियो ।