लिटल फ्लावर बोर्डिङको आयोजनामा शिक्षकहरूलाई २ दिने सिकाई सहजीकरण तालिम सुरु

धनगढी, १६ पुस - 

लिटल फ्लावर बोर्डिङ हाई स्कुल धनगढीको आयोजनामा विद्यालयमा कार्यरत शिक्षकहरूका लागि सिकाई सहजीकरण सम्बन्धी २ दिने तालिम धनगढीमा सुरु भएको छ । शिक्षा तालिम केन्द्र दिपायलका वरिष्ठ प्रशिक्षक भीम प्रसाद पनेरुले प्रशिक्षण दिइरहनु भएको तालिम शुक्रवारबाट सुरु भएको हो ।

धनगढी स्थित इमेज होटेल प्रा.लि. मा सञ्चालन भइरहेको तालिमको उद्घाटन सत्रमा बोल्दै वरिष्ठ प्रशिक्षक पनेरुले अहिलेका शिक्षक प्रविधि मैत्री तथा सिकाइमा अग्रसर हुनु पर्ने बताए । विद्यालयका संस्थापक प्रिन्सिपल रामचन्द्र शाहीको सभापतित्व तथा वरिष्ठ प्रशिक्षक भीम प्रसाद पनेरुको प्रमुख आतिथ्यमा सम्मपन तालिम उद्घाटन कार्यक्रममा प्यावसन केन्द्रीय सदस्य दीपक सुरी, इमेज होटेल प्रा.लि. धनगढीका प्रबन्ध निर्देशक दीप रावतको विशिष्ट अतिथिको रूपमा उपस्थिति रहेको थियो ।

शिक्षकलाई गुणस्तरीय शिक्षण सिकाइमा अग्रसर गराउन यो शैक्षिक सत्रमा थप तीन वटा तालिम सञ्चालनको योजना रहेको शाहीले बताए ।

तालिमको आयोजनाले सिकाइलाई थप प्रभावकारी ढङ्गबाट अघि बढाउन मद्दत पुग्ने विश्वास शिक्षक–शिक्षिकाहरूको छ । ‘आगामी दिनहरूमा हामी शिक्षकहरूलाई विद्यार्थी भाइबहिनी माझ थप हौसलाका साथ कक्षामा प्रस्तुत हुन सहज हुने छ ।’

लिटल फ्लावर बोर्डिङ हाई स्कुलका शिक्षिका आरती मलासीले भनिन्, । तालिम शुक्रवार र शनिवार गरी दुई दिन सञ्चालन हुने छ ।