काँग्रेसको एक दिवसीय प्रशिक्षण तथा सचिवालय उद्घाटन कार्यक्रम मटियारीमा सम्पन्न

धनगढी – नेपाली काँग्रेसको एक दिवसीय प्रशिक्षण तथा सचिवालय उद्घाटन कार्यक्रम धनगढी उपमहानगरपालिका  वडा न.–६ मटियारीमा सम्पन्न भयको छ ।  नेपाली काँग्रेस धनगढी उपमहानगरपालिका  वडा नम्बर ६ का सभापति धिरेन्द्र शाहीको सभापतित्वमा सम्पन्न भएको उक्त कार्यक्रममा नेपाली काँग्रेसका केन्द्रीय सदस्य तथा धनगढी उपमहानगरपालिका का मेयर नृप वड प्रमुख अतिथि रहनुभएको थियो । 

कार्यक्रममा विशिष्ट अतिथिका रूपमा प्रदेश सभा सांसद डिल्ली राज पन्त, महासमिति सदस्य निपा चोखाल, जिल्ला सचिव नृप सुनार, सह–सचिव राम समझ राना, जिल्ला सदस्य तपेन्द्र भुसाल,  क्षेत्रीय सदस्य कौसिल्ला बि.क., निता चन्द शाही, कैलाली क्षेत्र नं ५(ख) का सचिव कलेन्द्र शाही, नगर सभापति यज्ञ राज  उपाध्याय, महिला सङ्घका नगर सभापति जागृति बोगटी,  नगर सचिव डन्डी राज सुवेदीलगायत वडा नम्बर ६ बाट क्षत्रिय प्रतिनिधि, वडा कार्यसमिति, टोल कार्यसमितिका सम्पूर्ण क्रियाशील सदस्य तथा कार्यकर्ताहरूको उपस्थिति रहेको थियो । उक्त कार्यक्रमको सञ्चालन वडा सचिव नरेश नेगीले गर्नु भयको थियो ।