कञ्चनपुरमा दाैड प्रतियोगिता सम्पन्न

महेन्द्रनगर । शुक्लाफाँटा नगरपालिकामा दौड प्रतियोगिता सम्पन्न भएको छ । शुक्लाफाँटा ब्ल्याक बक्स(कृष्णसार फाउण्डेशन)को आयोजनामा शनिवार दौड प्रतियोगिता सम्पन्न भएको हो । नगरभित्रका १४ वटा विद्यालयले दौड प्रतियोगितामा सहभागिता जनाएका थिए ।

सहभागि विद्यालयहरुबाट ३१ छात्र तथा  १८ छात्रा गरी ४९ विद्यार्थीले प्रतियोगितामा भाग लिएका थिए । ३ किलोमिटर दौड प्रतियोगितामा छात्रतर्फ धर्म जनता माध्यमिक विद्यालय स्टेशनपुरका अविनाश विष्ट प्रथम भएका छन् ।

धर्म जनता माध्यमिक विद्यालयकै मुकेश जाग्री दोश्रो हुँदा सिद्धबैजनाथ माध्यमिक विद्यालय बन्साहका बरुणदत्त राना तेश्रो भएका छन् । ३ किलोमिटर दौडमा छात्रा तर्फ पनि धर्म जनता माध्यमिक विद्यालय स्टेशनपुरकै रचिता दमाई प्रथम भएकी छन् ।

बैजनाथ माध्यमिक विद्यालय कसरोलकी हेमन्ती भाँट दोश्रो हुँदा धर्मजनता माध्यमिक विद्यालयकी जानकी दमाई तेश्रो भएकी छन् । शुक्लाफाँटा ब्ल्याक बक्सका अध्यक्ष विवेक रावलले बताए । कार्यक्रममा बोल्दै शुक्लाफाँटा नगरपालिकाका नगर प्रमुख रण बहादुर महराले नगरपालिकाले खेलकुद क्षेत्रलाई प्रथमिकता दिएर काम गरिरहेको बताए ।

नगर उपप्रमुख कल्पना जोशी पन्तले पनि खेलकुदलाई प्राथमिकता दिएर आफुहरुले काम गरिरहेको बताउँदै नगरबाट आवश्यक सहयोग सधै रहने बताइन् । नगर प्रमुख महरा,उपप्रमुख पन्त सहित शिक्षक,पत्रकार,लगायतको सहभागिता रहेको थियो ।
 
चन्द्रसुर्य माध्यमिक विद्यालय ऐकेडेमिक सहयोगीका रुपमा फाउण्डेशनले विभिन्न प्रतियोगिताहरु सञ्चालन गर्दै आइरहेको छ ।