अछाममा जीप दुर्घटना : २ जनाको मृत्यु ,५ जना घाईते

अछाम, भदौ १३ - अछाममा जीप दुर्घटना हुदा २ जनाको ज्यान गएको छ भने ५ जना घाईते भएका छन ।

मेल्लेख गाउँपालिका वडा नम्बर ७ नन्देगडा बजार नजीक से १ ज ९८६ नम्बरको बोलेरो जीप दुर्घटना हुदा २ जनाको ज्यान गएको हो भने ५ जना घाईते भएका हुन । 

जीप दुर्घटना हुदा घटनास्थलमै किथ्थी साउद र कौशी साउदले ज्यान गुमाएका हुन । दुर्घटनामा परि नृप साउद,मनिषा उपाध्याय,जनक साउद लगायत ५ जना घाईते भएका छन ।

घाईते मध्य २ जनाको अवश्था गम्भीर रहेको प्रत्यक्षदर्शी बल साउँदले बताउनु भएको छ । गम्भीर घाईते हुनेमा सवारी चालक नृप साउँद र जनक साउँद रहेको बताईएको छ । 
घाईतेलाई उपचारका लागी बयालपाटा अस्पतालाई ल्याईएको छ ।