सभामुख महरालाई सभामुख र सांसद दुवै पदबाट राजिनामा दिन नेकपाको निर्देशन

काठमाडौं, १४ असोज - सत्तारुढ दल नेपाल कम्युनिस्ट पार्टी (ने क पा)ले आज आकस्मिक बसेको सचिवालय बैठक बैठकले प्रतिनिधि सभाका सभामुख कृष्णबहादुर महरालाई राजिनामा दिन सुझाव दिने निर्णय गरेको छ।

सभामुख महरा माथि लागेको बलात्कारको आरोपका विषयमा सचिवालय बैठकमा छलफल भएको थियो। बैठकपछि संचारकर्मीसँग कुरा गर्दै ने क पा प्रवक्ता नारायणकाजी श्रेष्ठले नैतिकताको आधारमा सभामुखलाई राजिनामा दिन सुझाव दिने बैठकले निर्णय गरेको बताए।

सभामुख महरामाथि संघीय संसद् सचिवालयमा काजमा कार्यरत एक महिलाले जबर्जस्ती करणीको आरोप लगाएपछि राजनीति तरङ्गित भएको छ।

स्वास्थ्य सेवामा दरबन्दी भई सचिवालयमा काजमा रहेकी ती कर्मचारीले आइतबार राति आफ्नै कोठामा आएर ‘मदिराको मातमा सभामुख महराले जबर्जस्ती गरेको आरोप लगाएकी हुन्।