नेकपाले जनतालाई धोका दियो: कांग्रेस

धनगढी,

मंसिर ६ - 
नेपाली कांग्रेस सुदूरपश्चिम प्रदेश संसदियदलका नेता डाक्टर रणबहादुर रावलले नेकपाको सरकारले जनतालाई धोका दिएको आरोप लगाएका छन् ।
शुक्रबार नेपाल प्रेस यूनियन डोटीले दिपायलमा आयोजना गरेको पत्रकार सम्मेलनमा उनले यस्तो धारणा राखेका हुन । जनताले विकास र समृद्धीका लागि भन्दै नेकपालाई दुई तिहाईको म्यान्डेड दिएका हुन नेता रावलले भने, यसको प्रतिफल जनताले पाउन सकेका छैनन् । नेकपाको सरकारले दण्डहिनता, अराजकता, भष्टाचार र गुण्डाराजलाई प्रसय दिएको छ नेता रावलले भने, जसका कारण लोकतन्त्र र संघियता माथी अबिश्वास पैदा भैरहेको छ ।
नेपाली कांग्रेस सुदूरपश्चिम प्रदेशसभा सांसद भरत खड्काले नेकपाको सरकारको बोली र ब्यावहार फरक रहेको बताए । उनले भने, झुटा कुरा गरेर समृद्धी हुदैन त्यसका लागि काम गर्नुपर्छ । धनगढी उप–महानगरपालिकाका प्रम्ुख नृपबहादुर वडले नेकपालाई दुईतिहाई दिएर जनता पछुतोमा रहेको बताए । डेढ बर्षको अवधीमा काण्ड बाहेक केहि घटाईनन् नगरप्रमुख वडले भने, जसका कारण लोकतन्त्र कमजोर भयो । डोटी जिल्लाको आफ्नै सामरिक महत्व भएकाले स्थायी राजधानीको बारेमा निर्णय गरिदा यही हुने गरि गर्नुपथ्यो नगरप्रमुख वडले भने, त्यो नगरेर गोदावरीको जंगलमा राजधानी सारियो । कि धनगढी नै ठिक छ होईन भने दिपायल हुनुपर्छ भनेर आफ्नो नेतृत्वमा आन्दोलन नै भएको नगरप्रमुख वडले बताए ।