मेयर मलासीको स्वास्थ्यमा समस्या, उपचारका लागि जहाज मार्फत काठमाडौँ लगियो 

डोटी, जेठ ३० – दिपायल सिलगढी नगरपालिकाका मेयर मञ्जु मलासीको स्वास्थ्यमा समस्या आएको छ । भारतबाट आएका नेपालीको व्यवस्थापनका लागी क्वारेन्टाईन व्यवस्थापनको दौडधुपमा रहेकी मेयर एक हप्ता अधि श्वास प्रश्वासमा स्वास्थ्यमा समस्या आएको थियो । 
स्वास्थ्यमा समस्या आएपछि धनगढी पुगेर उपचारपछि डाक्टरले आराम गर्न दिएको सुझाव अनुसार घरमा आराम गरिरहेकी मेयर मलासीलाई हिजो राती फेरी श्वास प्रश्वासमा समस्या आएपछि आज नेपाली सेनाको जहाज मार्फत काठमाडौँ लगिएको मेयरका स्वकीय सचिव रबिन्द्र जोशीले जानकारी दिनु भएको छ । 
निर्सग अस्पताल कैलालीमा उपचार गरेर फर्किएकी मेयर मलासीको स्वास्थ्यमा क्रमिक सुधारका क्रममा रहेको भए पनि हिजो साथी श्वास रोकिने समस्या आएपछि काठमाण्डौैं लगिएको स्वकीय सचिव जोशीले बताउनु भएको छ । 
मेयर मलासी लामो समय देखी प्रेसर औषधी सेवन गर्दै आउनु भएको थियो ।