डोटीमा भाद्र १४ देखि एक साताका लागि निषेधाज्ञा गरिने

गणेश मौनी
भाद्र १२, डोटी
डोटीमा भाद्र १४ गते आइतबार राती १२ बजेदेखि लागु हुने गरि २१ गते आइतबार रातीसम्मका लागि निषेधाज्ञा गरिने निर्णय गरिएको छ ।
जिल्ला संकट व्यवस्थापन केन्द्रको शुक्रबार बसेको बैठकले यस्तो निर्णय गरेको संकट ब्यवस्थापन समितिका संयोजक एवं डोटीका प्रमुख जिल्ला अधिकारी भिम प्रसाद भट्टराईले बताए ।
जिल्लाभित्र कोरोना महामारीको संक्रमण बढ्दै गएपछि महामारी रोकथाम, नियन्त्रण र उपचारमा सहजताका लागि यस्तो निर्णय गरिएको प्रजिअ भट्टराईले बताए । उनले भने निषेधाज्ञाका क्रममा अत्यावश्यकीय सेवा बाहेक अन्य सेवाहरु पूर्ण रुपमा बन्द हुन्छन निषेधाज्ञालाई सबैले पूर्ण रुपमा पालन गर्न र गराउन तर्फ सबैले ध्यान जान आवश्यक रहेको समेत बताए ।
शुक्रबार अबेर सम्म बैठक बसेकाले शनिबार सूचना जारी गरि सबैलाई जानकारी गराईने समेत प्रजिअ भट्टराईले जानकारी दिए ।