कञ्चनपुरको बेलौरीबाट टेक्टर सहित मटर (केराउ) बरामद
कञ्चनपुर,०३ असार । कञ्चनपुरको बेलौरी बाट प्रहरीले अबैध मटर (केराउ) बरामद गरेकोछ । बेलौरी नगरपालीका वडा नम्बर २ गोकलपुर बजार नजिक राना गाउँ चौराहा बाट २ ओटा टेक्टरको ३ ओटा ट्रालीमा रहेको मटर (केराउ) प्रहरीले बरामद गरेको छ । बिहिबार दिउँसो ईलाका प्रहरी कार्यलय बेलौरी बाट खटिएको प्रहरी टोलीले उक्क्त मटर (केराउ) बरामद गरेको कञ्चनपुर प्रहरीले बताएको छ । सु.प.प्र.०१००२ त ४७०९ र से. १ त.५४६५ नम्बरका २ ओटा टेक्टरमा मटर (केराउ) लोड गरेर राखिएको अवस्थामा प्रहरीले टेक्टर सहित बरामद गरेको जिल्ला प्रहरी कार्यालय कञ्चनपुरका प्रवक्ता एवम प्रहरी नायव उपरिक्षक अमर बहादुर थापा क्षेत्रीले बताए ।
अन्दाजी करिब ७ लाख बढी मुल्य बराबरको मटर (केराउ) र १२ लाख भन्दा बढी मुल्य बराबरको २ ओटा टेक्टर र मटर (केराउ) लोड गरेका ३ ओटा ट्राली कानुनी प्रकृया पुरा गरेर बिहिबार साझँ त्रिनगर भन्सार कार्यालय कैलाली पठाएको ईलाका प्रहरी कार्यलय बेलौरीका प्रहरी निरिक्षक कमल कुमार खड्काले जानकारी दिनुभयो । बरामद गरिएको मटर (केराउ) कस्को र कहाँबाट आयो भन्ने बारेमा थप अनुसन्धान भईरहेको जिल्ला प्रहरी कार्यालय कञ्चनपुरका प्रवक्ता एवम प्रहरी नायव उपरिक्षक अमर बहादुर थापा क्षेत्रीले जानकारी दिनुभयो ।