डोटीका श्रेष्ठद्धारा बृद्धा आश्रमलाई गरे ६ लाख बराबरको जमिन दान

डोटी -जिल्लामा रहेको एक मात्र बुद्धाश्रम पुज्य धर्मान्तक बृद्धाअश्रम लाइ ६ लाख बराबरको १४ आना जमीन दिलीप कुमार श्रेष्ठले निःशुल्क दान गरेका छन् ।

दिपायल सिलगढी नगरपालीका वडा नं. ६ इन्द्रचोक निबासी श्रीकुमार श्रेष्ठका कान्छा छोरा दिलीप कुमार श्रेष्ठको नाममा रहेको जमीन आज आश्रमको नाममा हस्तान्न्तरण गरेको पुज्य धर्मान्तक बृद्धाआश्रमका अध्यक्ष दिनेश बहादुर रोकायले जानकारी दिनुभएको छ ।

बृद्धाआश्रम रहेका बृद्ध आमाबुवा आफ्नै आमाबुवा जस्तो लागेको भोली बृद्ध अबस्थामा जो कसैलाइ पनी सहारा बन्न सक्ने भएकाले आफुले खुसी भएर जमिन दान गरेको दाता दिलीप कुमार श्रेष्ठले बताउनु भयोे ।

शुदुरपश्चिम प्रदेशमा सरकारले छुटाएको २० लाख बजेटले अब उक्त जमीनमा घर बनाउने आश्रमले जनाएको छ । उक्त रकम घरनिर्माणका लागी कमहुने भएकोले सहयोग गर्न अध्यक्ष रोकायले बताए । अहिले आश्रममा पाँच जना बृद्धबृदा रहेका छन् ।