राष्ट्रिय जनमोर्चा डोटी जिल्ला समिति पुनर्गठन, अध्यक्षमा जोशी, सचिवमा खड्का

डोटी । राष्ट्रिय जनमोर्चा जिल्ला समितिको पुनर्गठन गरिएको छ । सोमबार बसेको बैठकले समितिका सदस्यहरूको जिम्मेवारी हेरफेर गरेको अध्यक्ष बेणीमाधव जोशीले जानकारी दिनुभएको छ ।

महासचिव मनोज भट्टको उपस्थितिमा बसेको बैठकले जिम्मेवारी हेरफेर गरेको अध्यक्ष जोशीले बताउनुभयो । २३ सदस्यीय जिल्ला समितिको उपाध्यक्षमा रमेश अवस्थी, सचिव मान बहादुर खड्का, सह सचिव खगेन्द्र प्रसाद जोशी र कोषाध्यक्ष नरेश आले रहनुभएको छ ।

बैठकपछि अध्यक्ष जोशीले प्रेशित गर्नुभएको विज्ञप्तिमा ‘जिल्लामा कुनै पनि प्रकारको फुटपरस्त गतिविधि नगर्न तथा त्यस प्रकारका गतिविधि प्रति सतर्क रहन सबैलाई आग्रह’ गरिएको छ । यस्तै, एमसीसी पास गराउने सरकारको योजनाप्रति पनि राजमो डोटीले आपत्ति जनाएको छ।

यस्तो छ, विज्ञप्ति
१. राष्ट्रिय जनमोर्चाका महासचिव क. मनोज भट्टको विशेष उपस्थितिमा राष्ट्रिय जनमोर्चा जिल्ला समितिको पुनर्गठन गरिएको छ । २३ सदस्यीय पुनगर्ठित समितिका पदाधिकारी र सदस्यहरु यस प्रकार छन् । अध्यक्ष : बेणीमाधव जोशी, उपाध्यक्ष : रमेश अवस्थी, सचिव मान बहादुर खड्का, सह सचिव : खगेन्द्र प्रसाद जोशी, कोषाध्यक्ष : नरेश आले र सदस्यहरुमा उज्जर मगर, कृष्ण बहादुर पुनमगर, डबल तिरुवा, नरेन्द्र बिष्ट, कविराज जोशी, शेर बहादुर बम, तारा भट्ट, पुष्कर जोशी, चन्द्रकान्त जोशी, जनक भट्ट, रामचन्द्र भट्ट, शंकर बि.क., रमेश पातली, कमल भण्डारी र तीन सदस्य रिक्त राखिएको छ । यहि २६ गते समितिको बस्ने बैठकले उक्त रिक्त पदपूर्ति गरिनेछ ।

२. संगठन बिरोधी फुटपरस्त गतिविधिमा लागेका कारण का. केशवनाथ योगीलाई सम्पूर्ण जिम्मेवारीबाट हटाउनुका साथै सदस्यबाट समेत निश्कासन गर्ने गरी अनुशासनको कारबाही भएको व्यहोरा पहिले नै सार्वजनिक गरी सकिएको छ । जिल्लामा कुनै पनि प्रकारको फुटपरस्त गतिविधि नगर्न तथा त्यस प्रकारका गतिविधि प्रति सतर्क रहन सबैलाई आग्रह गर्दछौं ।

३.एमसीसी जस्तो राष्ट्रघाती सम्झौता अनुमोदन गराउनका लागि वर्तमान देउवा सरकारले गरी रहेका प्रयत्नको बैठकले कडा बिरोध गर्दछ । एमसीसी राष्ट्रघाती सम्झौता भएकोले त्यसको खारेजीमा जोड दिन्छौं ।