धनगढीमै हुने भयो फिजियोथेरापीबाट नसा च्यापिएको सफल उपचार

धनगढी – कन्चनपुरको पुर्नवासकी एक १७ वर्षीय किशोरीको शौचालय जाने क्रममा मेरुदण्डको नशा च्यापिएर  १७ –१८ दिन सम्म बेडमै थला परिन। उपचारको लागि वरिष्ठ फिजियोथेरापिष्ट डा। सुरेन्द्र ऐरकोमा पुगिन। त्यहाँ उपचारपछि १० दिनको फिजियोथेरापी पछि हिड्न सक्ने अबस्थामा पुगेको बिरामीका आफन्तले बताए । त्यस्तै,  धनगढीका एक ३३ वर्षीय युवक कार्यालयमा बस्दा बस्दै मेरुदण्डको नशा च्यापिएर उपचारको लागि नेपालगञ्ज, काठमाडौं लगायतका अस्पतालका धाए । समस्या ठिक नभएका कारणले अहिले डा। ऐरको निगरानिमा ३ महिनादेखि फिजियोथेरापिमा गर्दै आइरहेको छन् । अहिले पहिलेको अबस्था भन्दा ठिक भएको अलि लामो समयसम्म फिजियोथेरापी गराउँदा सामान्य अबस्थामा आउन सकिने बताउँछन् । फिजियोथेरापी औषधी बिज्ञानको एक महत्वपुर्ण भाग हो । भौतिक चिकित्सा बिज्ञान पद्धति उपचार गरीन्छ । फिजियोथेरापी सबै उमेर समुहका महत्वपुर्ण उपचार पद्धति हो । फिजियोथेरापीको मुख्य काम भनेको मानिसलाई सक्रिय बनाउनु, क्रियाशिल बनाउनु, रोगीको अबस्थालाई पुरानै जीवनशैलीमा ल्याउन मद्दत  गर्नु हो । यसमा जोर्नी तथा तन्तुलाई चलाएर उपचार गरिन्छ ।