धनगढीको सारथी अस्पतालद्धारा मधुमेहका बिरामीलाई निःशुल्क उपचार

धनगढी, २८ कार्तिक/ विश्व मधुमेह दिवसको अवसर पारेर धनगढीस्थित सारथी अस्पतालमा सचेतना मूलक कार्यक्रम गर्नुको साथै निःशुल्क मधुमेह जाँच गरेको छ । अस्पताल परिसरमा सोमबार विभिन्न सचेतना मुलक कार्यक्रमको साथै निःशुल्क मधुमेह जाँच तथा उपचार गरेको हो ।

अस्पतालका प्याथोलोजिस्ट डाक्टरहरुले मधुमेह हुन नदिन र भइहाले पनि कसरी रोकथाम र नियन्त्रण गर्न सकिने त्यसबारेमा विरामीहरूलाई स्वास्थ्य सचेतना दिएका थिए । सोही अवसरमा विरामीहरुको निःशुल्क मधुमेह जाँच गरिएको थियो । निःशुल्क मधुमेह जाँचमा ३१ जना विरामीको उपचार गरेको अस्पतालले जनाएको छ ।

स्वास्थ्य जाँच गरिएको विरामीहरुलाई अस्पतालले निःशुल्क औषधी पनि वितरण गरेको अस्पताले जनाएको छ । विश्व मधुमेह दिवसको अवसर पारेर अस्पतालमा आएका विरामीहरुलाई अन्य जाँचमा ५० प्रतिशत छुट दिएको छ ।

सारथी अस्पतालले यसअघि पनि विभिन्न अवसर पारेर जाँच तथा उपचारहरु निःशुल्क तथा छुटसहित प्रदान गर्दै आएको अस्पतालका निर्देशक बेदप्रकाश जोशीले जानकारी दिए । आउँदा दिनहरुमा यस्ता कार्यक्रममलाई निरन्तार दिने उनले बताए ।