सारथी अस्पतालमा नसा, हाडजोर्नी र मेरुदण्डमा हुने विभिन्न समस्याको उपचार सुरु

धनगढी ३ मंसिर/धनगढीमा रहेको सारथी अस्पतालले नयाँ व्यवस्थापनका साथ नसा तथा हाडजोर्नी र मेरुदण्डमा हुने विभिन्न प्रकारका समस्याहरुको उपचार सुरु गरेको छ। काठमाडौँबाट विशेषज्ञ डक्टरहरुले नयाँ व्यवस्थापनका साथ सेवा सुरु गरेका हुन्।

कन्सलटेन्ट अर्थोपेडिक एण्ड अर्थोकोपी सर्जन डाक्टर धनबहादुर कार्की र कन्सलटेन्ट अर्थोपेडिक स्पाइन एण्ड ट्रमा सर्जन डा निरज शाहको टोलीले सारथी अस्पतालबाट सो सेवा सुरु गर्ने बताइएको छ। बिएण्डबी अस्पताल काठमाडौँमा ३ वर्ष काम गरिसकेका डा। शाहले स्पाइन तथा ट्रमा सर्जनको रुपमा सारथी अस्पतालमा सेवा सुरु गरेको बताए। उनले हड्डी भाँचिएको, हाड जोर्नीको समस्या तथा खिइएको लगायतको उपचार हुने बताए।

विशेषगरी मेरु दण्डअको उपचार जस्तै, तल्लो डाढ दुख्ने, इन्फेक्सनले हुने समस्या, ढाडको टिभीले हुने समस्या, ट्युमरले हुने समस्या, कुरकुरे हड्डीहरु खिइएर हुने समस्या तथा ढाड भाच्चिएर हुने समस्यालाई केन्द्रित गरेर यो सेवा सुचारु गरेका डा शाहले बताए। उनले बुधबारदेखि सेवा सुरु गरिएको बताए। यस्तै दुरबिनको माध्यमबाट ट्रमा तथा जोर्नीसम्बन्धी अप्रेशन सुरु गरिएको डा। धनबहादुर कार्कीले बताए। उक्त सेवा सुरु भएपछि नसा तथा हाड जोर्नी र मेरुदण्ड९ढाड० दुखाइ सम्बन्धी बिरामीहरुले सुदूरपश्चिममै विशेषज्ञ डक्टरहरुबाट उपचार पाउने बताइएको छ।