एक वर्ष देखि बिरामीले थलिएका गणेशका दुई बालबालिकालाई बासद्वारा सहयोग

सरिता कठायत, 

फागुन २३, डोटी - 

डोटीको शिखर नगरपालिका वडा नम्बर १० बनलेकका गणेश भुलका दुई बालबालिकालाई बास नेपालले आर्थिक सहयोग गरेको छ । 

एक वर्ष देखि बिरामीले थलिएका हाल धनगढीमा उपचाररत गणेश भुलको आर्थिक अवस्था कमजोर भएका कारण बालबालिकालाई पढाई लेखाइमा सहजता होस भन्ने हेतुले बालबालिकालाई सहयोग गरिएको बास नेपालले जनाएको छ । 

लामो समयदेखि भारतमा रोजगार गरेर घर खर्च र साँझ बिहानको छाक टार्ने गरेका गणेश आज आफैँ रोगको सिकार भएका छन् । उनी भन्छन् मैले मेरो घर परिवारको लागि भए पनि बाच्नु पर्छ छोराछोरीलाई कसरी पढाउने लेखाउने चिन्तामा छु सबैलाई सहयोग गरिदिन समेत अपिल गर्छन् । बास नेपालले बालबालिकालाई गरेको सहयोग छोराछोरीको पढाई लेखाइमा खर्च गर्ने समेत गणेशले बताए ।  

सम्पत्तिको नाममा एउटा सानो घर मात्र छ साँझ बिहान अरूको काम गरेर छोराछोरी पाल्ने गरेको बताउछीन गणेशकी श्रीमती धना भुल । उनी भन्छन्  श्रीमान् बिरामीले थला पर्दा कसरी श्रीमानको उपचार गर्ने, कसरी छोराछोरीलाई पढाउने कसरी घर व्यवहार चलाउने साहै चिन्तित छु । छोराछोरीलाई पढाइलेखाई गर्न सक्ने अवस्था छैन । 

गणेशका ४ छोरी १ छोरा र श्रीमती छन् । उनकी जेठी छोरी विवाह गरेर आफ्नो घर गइसकेकी छन् त्यसपछि अन्य ३ छोरी र १ छोरा छन् । उनकी माहिली छोरी वर्ष १६ की सुनिता भुल अहिले स्थानीय बानेडुग्रा माध्यमिक विद्यालयमा कक्षा ८ मा पढ्छीन, साइँली छोरी वर्ष १३ की दिपा भुल कक्षा ६ मा पढ्छीन, काइँली छोरी वर्ष १३ की जानकी भुल कक्षा १ र कान्छो छोरा वर्ष ७ को विनोद भुल कक्षा १  साही विद्यालयमा पढिरहेका छन् । 

युनिसेफ नेपालको सहयोगमा बास नेपाल द्वारा सञ्चालित बाल संरक्षण कार्यक्रम अन्तर्गत जोखिममा रहेका बालबालिकाहरूलाई सहयोग गरेको बास नेपालका कार्यक्रम अधिकृत गणेश मौनीले बताए । स्थानीयको सहभागिता बास नेपालका कार्यक्रम अधिकृत मौनी घरमै पुगेर उक्त रकम बालबालिकालाई हस्तान्तरण गरेको थियो । बालबालिकाहरूलाई सहयोग रकम बापत जनही पाँच हजारका दरले दुई जना बालबालिकालाई दश हजार सहयोग गरिएको हो । बास नेपालले ४ जना मध्य दुई जनालाई सहयोग गरेको हो । 

केही दिन अगाडी गणेशको उपचार सुदूरपश्चिम प्रदेश सरकारले गर्ने प्रतिबद्धता जनाएको थियो । सोही बमोजिम सेती प्रादेशिक अस्पताल धनगढीमा अहिले उपचार भइरहेको पेटको अप्रेसन गर्नुपर्ने अवस्था रहको गणेशकी श्रीमतीले जानकारी दिएकी हुन् । बास नेपालले युनिसेफको सहयोगमा सुदूरपश्चिम र कर्णाली प्रदेशमा बाल संरक्षण कार्यक्रम, र जोखिमपूर्ण सञ्चार र सामुदायिक संलग्नता परियोजना संचाल गरिरहेको छ ।