धनगढी सुपर लिग : धनगढी क्रीकेट एकेडेमीको पहिलो जित 

धनगढी सुपर लिग : धनगढी क्रीकेट एकेडेमीको पहिलो जित 
धनगढी सुपर लिग : धनगढी क्रीकेट एकेडेमीको पहिलो जित 
May 22, 1:03

धनगढी - कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा धनगढी क्रीकेट एकेडेमीले पहिलो जित निकालेको छ । बझाङको बुङगल क्रीकेट क्लबलाई ८० रनले पराजित गर्दै धनगढी क्रीकेट एकेडेमीले आफ्नो तेस्रो खेलमा पहिलो जित निकालेको हो ।

टस जितेर ब्याटिङ गर्ने निर्णय गरेको धनगढी क्रीकेट एकेडेमी (डीसीए) ले निर्धारित २० ओभरमा ९ विकेट गुमाएर १ सय ६५ रन बनाएको थियो । १ सय ६६ रनको विजयी लक्ष्य पछ्याएको बुङगलले १६.२ ओभरमा आफ्ना सबै विकेट गुमाएर ८५ रन मात्रै बनाउन सक्यो । उसका लागि किरण कुमार ठगुन्ना र सन्दीप विष्टले १८/१८ रन बनाउनुबाहेक अन्य ब्याट्सम्यानको प्रदर्शन राम्रो रहन सकेन । डीसीएको बलिङ तर्फ हिक्मत महराले ४ ओभर बलिङ गर्दै १ मेडनसहित १० रन खर्चिएर महत्त्वपूर्ण ४ विकेट लिए । त्यस्तै सुवास ऐर र अरुण ऐरीले २/२ विकेट लिए । 

त्यस अघि डीसीएका लागि राजु रिजालले ४१ बलमा ५४ रनको अर्धसतकीय पारी खेले । उसका भोजराज भट्टले ३२ रन बनाए । बलिङ तर्फ बुङगलका लोकेन्द्र चन्द र अशोक धामीले २/२ विकेट लिए । खेलको प्लेयर अफ दी म्याच हिक्मत चुनिए । 

लिटल फ्लावर स्पोर्ट्स एन्ड इभेन्ट्स प्रा.लि. धनगढीको आयोजनामा प्रतियोगिता जेठ १४ गतेसम्म सञ्चालन हुने अध्यक्ष रामचन्द्र शाहीले जानकारी दिए । प्रतियोगिताको विजेताले नगद २ लाख उपविजेताले १ लाख तथा ट्रफी, मेडल र प्रमाणपत्र प्राप्त गर्नेछन् । सर्वोत्कृष्ट खेलाडीले नगद १५ हजार, उत्कृष्ट बलर, ब्याट्सम्यान तथा उदीयमान खेलाडीले ७ हजार ५ सय नगद पुरस्कारका साथै ट्रफी, मेडल र प्रमाणपत्र प्राप्त गर्नेछन् । 

विद्यालय स्तरीय राष्ट्रिय क्रीकेट प्रतियोगिता लिटल फ्लावर प्रिमियर लिगसमेत आयोजना गर्दै आएको लिटल फ्लावर स्पोर्ट्स एन्ड इभेन्ट्सले यहाँको खेल क्षेत्रलाई थप चलायमान बनाउनुपर्छ भनेर राष्ट्रिय स्तरका खेलाडी समावेश हुने प्रतियोगिता सुरुवात गरेको शाहीको भनाई छ । प्रतियोगितामा देशका विभिन्न ६ वटा क्लबहरू बुङगल क्रिकेट क्लब बझाङ, देउखुरी वारियर्स दाङ, धनगढी क्रिकेट एकेडेमी धनगढी कैलाली, महेन्द्रनगर क्रिकेट एकेडेमी महेन्द्रनगर कञ्चनपुर, लिटल फ्लावर क्रिकेट क्लब धनगढी कैलाली र कैलाली जिल्ला क्रिकेट क्लब धनगढी कैलालीको सहभागिता रहको धनगढी सुपर लिगका संयोजक वीरेन्द्र वडले जानकारी दिए ।

प्रतियोगिताका प्रायोजकहरूमा सपोर्टेड वाइ लिटल फ्लावर बोर्डिङ हाई स्कुल धनगढी कैलाली,  हस्पिटालिटी पार्टनर होटेल डिभोटी धनगढी कैलाली, मोबाइल पार्टनर भीभो मोबाइल, पब्लिकेशन पार्टनर ओसन पब्लिकेशन प्रा.लि. काठमाण्डौं, हायर एजुकेसन पार्टनर द टाइम्स इन्टरनेशनल कलेज डिल्लीबजार काठमाण्डौं, डेब्लभमेन्ट पार्टनर वर्ल्ड भिजन इन्टरनेस्नल (नेपाली जुटौँ बाल विवाह रोकौँ) र बाल कल्याण सङ्घ कैलाली, डिजिटल लर्निङ पार्टनर निमा एकेडेमी काठमाण्डौं, हस्पिटल पार्टनर नवजीवन अस्पताल धनगढी कैलाली, अब्रोड स्टडी पार्टनर एक्सपर्ट एजुकेसन भिजा सर्भिसेज धनगढी कैलाली, स्टेशनरी पार्टनर दहाल पुस्तक पसल, इन्टरनेट पार्टनर भायानेट धनगढी कैलाली,  स्कुल युनिफर्म पार्टनर चौलानी स्कुल युनिफर्म धनगढी कैलाली, कम्युनिकेसन पार्टनर नेपाल टेलिकम, वेभरेज पार्टनर ३६५ डेज भोड्का र सह प्रायोजक चैतन्य पाठशाला धनगढी कैलाली रहेको छ ।

 

NT-APP-AD

सम्बन्धित वर्गका समाचारहरू

एलपीएल–७ को ब्रोडकास्ट पार्टनर टिभी टुडे टेलिभिजन
धनगढी, २६ जेठ -  कैलालीको धनगढीमा आगामी कार्तिकमा सञ्चालन हुने विद्यालय स्तरीय यु–१९ राष्ट्रिय… विस्तृतमा
एलपीएलको सातौँ संस्करणका लागि टिम दर्ता खुल्यो, पुरस्कार राशि…
धनगढी २४ जेठ - कैलालीको धनगढीमा सञ्चालन हुँदै आएको विद्या स्तरीय यु–१९ राष्ट्रिय टि–२० क्रीकेट… विस्तृतमा
यू-१९ महिला विश्वकप एसिया छनोटः नेपालले भुटानलाई ४ विकेटले हरायो…
काठमाडाैं २३ जेठ । मध्यक्रमकी ब्याटर सानु राजवंशीले ३० रनको अविजित पारी खेलेपछि नेपालले आईसीसी यू–… विस्तृतमा
नेपाल ८ रनमा अलआउट
२१ जेठ, काठमाडौं । मलेसियामा भइरहेको आईसीसी यू-१९ टी-२० विश्वकप एसिया छनोटमा नेपाली महिला टोली… विस्तृतमा