यू-१९ महिला विश्वकप एसिया छनोटः नेपालले भुटानलाई ४ विकेटले हरायो

June 06, 2:18

काठमाडाैं २३ जेठ । मध्यक्रमकी ब्याटर सानु राजवंशीले ३० रनको अविजित पारी खेलेपछि नेपालले आईसीसी यू–१९ महिला टी–२० विश्वकप एसिया छनोटअन्तर्गत तेस्रो खेलमा भुटानलाई ४ विकेटले पराजित गरेको छ ।

भुटानले दिएको ६७ रनको लक्ष्य नेपालले १३.१ ओभरमा ६ विकेट गुमाएर भेट्टायो । नेपालको सुरुवात खराव थियो । पहिलो ओभरमै ओपनर स्नेहा महरा खाता खोल्नै नपाई आउट भइन् । तेस्रो ओभरमा आउट भएकी अर्की ओपनर किरण कुमारी कुँवरले २ रनमात्र बनाइन् ।

तेस्रो नम्बरमा आएकी साना प्रविणले १२ रनमात्र जोडिन् । उनले १५ बलमा २ चौका प्रहार गरिन् । चौथो नम्बरमा ब्याटिङमा आएकी सानुले नेपालका लागि सर्वाधिक रन जोड्ने क्रममा ३२ बल खेलेर ५ चौका प्रहार गरिन् ।

त्यसपछिका ब्याटरहरु आश्मा पुलामी मगरले ३, कप्तान कृतिका मरासिनीले २, शृष्टी जैसीले ८ र एलिसा कुमारी यादवले अविजित २ रन बनाइन् । नेपालले अतिरिक्त ८ रन पाएको थियो ।

बलिङमा भुटानकी साङ्गे वाङवोले ३ विकेट लिइन् । उनले ४ ओभरमा २२ रन खर्चिइन् । सोनम र अन्जुली घलेले १–१ विकेट लिए ।

यसअघि मलेसियाको किनरारा ओभलमा टस जितेर ब्याटिङ गरेको भुटानले निर्धारित ओभरमा ९ विकेट गुमाउँदै ६६ रनको योगफल खडा गरेको थियो ।

भुटानका लागि ओपनर तथा कप्तान नावाङ चोडेन र मध्यक्रमकी सांगे वाङमोले समान ११ रन बनाए । पेमा याङचेनले ९ रन जोड्दा भुटानले १० अतिरिक्त रन पाएको थियो ।

बलिङमा मनिषा कुमारी उपाध्यायले, कप्तान कृतिका मरासिनी र अनु कडायतले समान २÷२ विकेट लिए । मनिषाले ४ ओभरमा २ मेडन राख्दै ३ रन खर्चेर २ विकेट लिएकी हुन् । ३–३ ओभर बलिङ गरेका कृतिका र अनुले क्रमसः ११ र १४ रन खर्चिए ।

यसअघि पहिलो खेलमा कतारमाथि ७९ रनको जित रचेको नेपालले आफ्नो दोस्रो खेलमा शनिबार युएईसँग १० विकेटको हार भोगेको थियो । युएईविरुद्ध नेपाल ८ रनमै अलआउट भएको थियो ।

NT-APP-AD

सम्बन्धित वर्गका समाचारहरू

एलपिएलको सातौँ संस्करण माघमा
धनगढी - यस अघि मङ्सिरमा आयोजना गर्ने गरी तयारी थालिएको विद्यालय स्तरीय राष्ट्रिय क्रिकेट… विस्तृतमा
यूएईविरुद्ध धनगढीका अर्जुनको सानदार ब्याटिङ, डेब्यूमै अर्धशतक
काठमाडौंमा जारी यूएईविरुद्धको पहिला एकदिवसीय अन्तर्राष्ट्रिय खेलमा धनगढीका अर्जुन साउँदले सानदार… विस्तृतमा
खेलाडीको प्रोत्साहनका लागि आदर्श–१ का वडाध्यक्ष खड्काले ३० हजार…
डोटी - डोटीको आदर्श गाउँपालिका–१ का वडाध्यक्ष भरतबहादुर खड्काले भलिबल खेलाडीलाई आर्थिक सहयोग गर्ने… विस्तृतमा
सुदूरपश्चिम प्रदेश भलिबल सङ्घको उपाध्यक्षमा शाही
धनगढी – सुदूरपश्चिम प्रदेश भलिबल सङ्घको उपाध्यक्षमा रामचन्द्र शाही मनोनीत भएका छन् । सङ्घले हिजो… विस्तृतमा