कलाकर्मि संघ द्वारा बिपन्नलाई मास्क र साबुन बितरण 

बझाङ, चैत्र २८ – नेपाल साँस्कृतिक कलाकर्मी संघ जिल्ला शाखा बझाङले महामारीको रूपमा फैलिएको  कोरोना बाट  बच्न अति बिपन्न र दलित बस्तीमा ४५० थान मास्क र साबुन बितरण गरेको छ । संघले मष्टा गाउँपालिकाको वडा न. ३ को  गैरी गाउँ,भिमण ,धामी गाउँ र भातेखोला बितरण गरिएको छ । त्यस्तै दुर्गाथली गाउँपालिका वडा न ७ गैरागाउँमा पनि १०० थान मास्क बितरण गरिएको नेपाल साँस्कृतिक संघ बझाङ जिल्ला अध्यक्ष गायिका साधना बिसिले बताउनु भयो ।   गाउँमा चेतनाको अभाव रहेकाले एक टोल एक कलाकर्मी मात्र सहभागी रहेर हामीहरूले जो जहाँ छौं त्यही बाट सहयोग गर्ने भन्ने निर्णय गरि यो कार्य गरेको बताउनु भयो । एक टोल एक कलाकर्मी अभियान संगै मास्क र साबुन बितरण गरिएको हो अध्यक्ष बि।सि। ले बताउनु भयो । गहुँ काट्ने समय भएकाले सबैलाई कोरोना बाट बच्न सचेत गराउन बेलाबेलामा हात धुन अनुरोध गर्दै  सामाजिक दुरि कायम गरौं ,आफू बचौं अरुलाई बचाऔं, आफ्नो स्वास्थ्य बारे सचेत रहौं , लकडाउनको पालना गरौं भन्दै जनचेतना समेत फैलाउने काम गरिएको बताईएको छ । 
लकडाउनका कारण धेरै ठाउँ दिन नसकिएता पनि केही ठाउँमा कलाकर्मिहरु मार्फत थप सहयोग गर्ने संघले जनाएको छ ।