सुदूरपश्चिममा आज देखिएका चार जना कोरोना संक्रमित साढे दुई हजार जना सँगै आएका थिए भारतबाट 

धनगढी, जेठ १० – सुदूरपश्चिम प्रदेशमा आज थपिएका चार जना कोरोना संक्रमति भारतबाट आएको खुलेको छ। बैतडीको शिवनाथ गाउँपालिका वडा नम्बर १ र २ का २०, २०, २२ र २७ वर्षे संक्रमति पुरुष भारतबाट आएका हुन्।

उनीहरु जेठ ८ गते गौरीफन्टा नाकाबाट उद्धार गरिएको थियो। सोही दिन उक्त नाकाबाट दुई हजार चार सय ९८ जनाको उद्धार गरिएको थियो। सेती प्रादेशिक अस्पतालका अनुसार सीमामा गरिएको र्‍यापिड टेस्टमा एन्टिबडी देखाएपछि उनीहरुलाई अस्पतालको आइसोलेसनमा राखिएको थियो।

डा. जगदीश जोशीले भारतबाट आएका उनीहरुलाई ८ गते रातिदेखि नै आइसोलेसनमा राखिएको बताए।