छत्रा रावलको एक दमदार गजल

२०७७ भाद्र २९ गते सोमबार 

जब मेरो केही गर्नु पर्छ भन्ने मन भयो
र जिन्दगी एक्कासी परिबर्तन भयो।।

भोको पेट बोकि लामो लस्कर नाकामा देख्दा
सम्झिए मेरो देश मुटुमा आगो दनदन भयो ।।

सरकार भन्छ स्वास्थ्य बचाउ,घरभित्रै बस
गरिबलाई त स्वास्थ भन्दा ठूलो धन भयो ।।

हाम्रो बस्तितिर आउ सरकार घुमेर जाउ
हामि गरिबहरुको अधिकार हनन भयो ।।

चुप्प बसेकै हो,लुकाउन खोजेकै हो पीडा
भोका दिन र अनिदा रात झनझन भए।।

✍️छत्रा रावल
धनगढी ५, कैलाली