पुनर्वासको द प्यारा क्याफेमा आगलागी

पुनर्वास –  कञ्चनपुरको पुनर्वास–८, क– गाउँ स्थित द प्यारा क्याफेमा आगलागी भएको छ ।
बुधबार राती आगलागी हुँदा क्याफे पूर्ण रुपमा जलेर नष्ट हुँदा अनुमानित दश लाख बराबरको क्षति भएको क्याफे सञ्चालक केशव अवस्थीले जानकारी दिए ।
“क्याफेमा आगलागीपछि बिहीबार बिहान मात्रै आफुलाई थाहा भएको ” क्याफे सञ्चालक अवस्थीले भने “आगलागी के–कसरी लाग्यो भन्ने विषय नखुले पनि बिद्युत सर्ट भएको अनुमान भने गरिएको छ ।”

आगलागीबाट क्याफेको भवनमा पनि क्षति पुगेको छ भने क्याफेको काउन्टर, टेबल, कुर्सी, नगद लगायतका अन्य मालसामान जलेर खरानी भएको थियो । आगलागीको खबर पश्चात ईलाका प्रहरी कार्यालय त्रिभुवनबस्तीको प्रहरी टोली घटनास्थल पुगेको थियो ।
सो क्याफे करिब ३ वर्षदेखि सोहि स्थानमा सञ्चालन भईरहेको क्याफेका घरधनी घनश्याम सुवेदीले बताए ।