सायल कांग्रेसद्वारा आर्थिक पारदर्शीताको माग गर्दै सायल गाउँपालिकाको ध्यानाकर्षण

डोटी,२० पुष /  नेपाली कांग्रेस सायल गाउँपालिका इकाई समितिले आर्थिक पारदर्शीताको माग गर्दै गाउँपालिकाकाे ध्यानाकर्षण गरेको छ । सोमबार बसेको गाउँ इकाई समितिको बैठकले सायल गाउँपालिकाका अध्यक्ष तेज डुम्रेललाई विभिन्न माग राख्दै ध्यानाकर्षण पत्र बुझाएको हो ।आफूहरुका माग एक हप्ता भित्र सम्वोधन नगरे गाउँपालिकामा ताला बन्दी सहितका आन्दोलन अगाडि बढाउने ध्यानाकर्षण पत्रमा उल्लेख छ ।

गाँउपालीकाको डोजर जलाइएको विषयमा छानवीन हुनुपर्ने,कोरोना भाइरसको संक्रमण रोकथामकालागी गाँउपालीकाले गरेको खर्चको विवरण सार्वजनीक गरिनुपर्ने लगाएतका मागहरु ध्यानाकर्षण पत्रमा उल्लेख गरिएको छ ।

त्यस्तै गाँउपालीकामा करार कर्मचारी छनोटमा मनोमानी गरिएको र स्थाइ कर्मचारीमाथी समेत राजनीतीक दवाव सिर्जना गरिएको ध्यानाकर्षण पत्रमा उल्लेख छ ।