Aagan-cakes-web-banner-2

बैतडीमा एक युवकको शव फेला

news
January 13, 12:29

धनगढी  २९ पुस / बैतडीमा हत्या गरेर ओढारमा गाडेको अवस्था एक जनाको शव फेला परेको छ । जिल्लाको सुुर्नया गाउँपालिका–६ स्थित धुुलिधार जंगलको ओढारमा बुुधबार स्थानीय ३२ वर्षीय डम्बर अवस्थीको शव फेला परेको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी निरीक्षक बोधराज ओझाले गत मंसिर १४ गतेदेखि बेपत्ता रहेका अवस्थीको शव ओढारमा गाडेको अवस्थामा भेटिएको जानकारी दिए ।

‘अवस्थीको खोजीका लागि उहाँको परिवारले पुस १ गते हामीलाई निवेदन दिनुुभएको थियो,’ प्रहरी निरीक्षक ओझाले   भने, ‘हाल हाम्रो नियन्त्रणमा रहेका सोही ठाउँका हरीश अवस्थीले दिएको सूचनाका आधारमा उनको शव भेटिएको छ ।  

मृतकको शव परीक्षणका लागि जिल्ला अस्पतालतर्फ लैजादै गरेको बताउँदै प्रहरी निरीक्षक ओझाले अनुुसन्धानपछि थप कुरा खुुल्ने जानकारी दिए ।

को हुुन् प्रहरीलाई सूचना दिने हरिश  ?

सुुर्नया गाउँपालिका–६ का हरिश अवस्थीलाई हालै जिल्ला प्रहरी कार्यालय बाँकेले राप्ती नदी किनारबाट नियन्त्रणमा लिएको थियो । अवस्थीले सामाजिक सञ्जाल फेसबुकमा आफूूलाई ६ जनाको समूहले अपहरण गरेर राप्ती नदी किनारमा पुर्‍याएको स्टाटसका आधारमा प्रहरीले उनलाई उद्दार गरेको थियो ।

तर अनुुसन्धानका क्रममा अवस्थीले भने बमोजिमको घटनाक्रम नदेखिएपछि प्रहरीले उनलाई नियन्त्रणमै राखेको थियो । केरकारका क्रममा प्रहरीलाई अवस्थीले डम्बरको हत्या गरेर शव ओढारमा गाडेको बताएपछि प्रहरी बुुधबार घटनास्थल पुुगेको थियो ।

प्रहरी निरीक्षक ओझाकाअनुसार उनले डम्बरको आफैंले हत्या गरेको र घटना लुकाउन अपहरणको नाटक गरेको बताएका प्रहरी निरीक्षक ओझाले बताए । हत्याको कारण भने नखुलेको र अनुसन्धान भइरहेको प्रहरीको भनाइ छ ।

सम्बन्धित वर्गका समाचारहरू

सुदुरपशिचमका ५ जना सहित १३ प्रहरी सम्पर्कविहीन, ७ दिन…
काठमाडौं  १० माघ  / नेपाल प्रहरीले आफूखुसी कार्यालयको सम्पर्कमा नरहेका १३ प्रहरीहरुलाई सात दिनभित्र… विस्तृतमा
बेहडाबाबा मन्दिर परिसरमा प्रहरी चौकीका लागि भवन निर्माण सुरु
धनगढी, १० माघ / धनगढी उपमहानगरपालिका–१६, रामपुरस्थित धार्मीक आस्थाको केन्द्र बेहडाबाबा मन्दिर… विस्तृतमा
पत्रकार विश्वकर्माको निधनबारे छानबिन समिति गठन
काठमाडौं ९ माघ / निजामती कर्मचारी (सिभिल) अस्पताल पत्रकार लालबहादुर विश्वकर्माको निधनबारे छानबिन… विस्तृतमा
कैलालीमा आफ्नै श्रीमतीको हत्या
धनगढी,१० माघ । कैलालीमा श्रीमानले आफ्नै श्रीमतीको हत्या गरेका छन् । जिल्लाको गोदावरी नगरपालिका वडा… विस्तृतमा