घोडाघोडीमा कार्यपालिकाले पूर्णता पायो,काँग्रेसको बहुमत

June 01, 11:21

धनगढी १८ जेठ। कैलालीको घोडाघोडी नगरपालिकामा नगरकार्यपालिकाले पूर्णता पाएको छ । स्थानीय निर्वाचन सम्पन्न भएपछि निर्वाचित महिला सदस्य मध्ये बाट ५ जना र दलित वा अल्पसंख्यकबाट ३ जना सदस्य थप्नुपर्ने प्रावधान अनुसार कार्यपालिकाले पूर्णता पाएको निर्वाचन अधिकृतको कार्यालयले जनाएको छ ।

नेपाली काग्रशे बाट निर्वाचित महिला सदस्य मध्ये गीता सुनार, बिष्णा देवी डगौरा, मिना कुमारी बि.क, एकीकृत समाजबादी बाट भवीसरा भण्डारी र नेकपा माओबादी केन्द्र बाट कमला कुमारी बि.क चुनाराको उम्मेदवारी परेको थियो । त्यसै गरी दलित वा अल्पसङ्ख्यक मध्ये नेकपा माओबादी केन्द्रबाट आकाश परियार, टेकेन्द्र बहादुर नेपाली र भक्त बहादुर बि.क.को उम्मेदवारी परेको थियो ।

मनोनयन दर्तामा ८ जना उम्मेदवारको मात्र उम्मेदवारी परेको हुँदा उनीहरू निर्विरोध रुपमा चयन भएको निर्वाचन अधिकृत भानदेव जोशीले जनाकारी दिए । ८ जना कार्यपालिका सदस्यलाई बुधवार निर्वाचन भएको प्रमाण पत्र दिनुको साथै मेयर बाट शपथ पनि लिएका छन् ।

यो सँगै २२ सदस्यीय नगर कार्यपालिकामा नेपाली काग्रशको बहुमत भएको छ । नगर प्रमुख सहित कार्यपालिकामा एकीकृत समाजबादीका २ जना, उपप्रमुखसहित नेपाली काँग्रेसका १३ जना, माओबादी केन्द्र बाट १ वडा अध्यक्षसहित ५ जना, नेकपा एमाले र जनता समाजवादी बाट १ वडा अध्यक्ष अटाएका छन् । गत स्थानीय तहको निर्वाचनमा यो नगरपालिकामा नेकपा एमालेको बहुमत रहेको थियो ।