देउवा निवासमा धुमधामका साथ गौरा भित्राईयो

धनगढी, भदौ ५ - नेपाली कांग्रेसका सभापती तथा पूर्व प्रधानमन्त्री शेरबहादुर देउवाको धनगढी स्थीत निवासमा बिहीबार धुमधामका साथ गौरा भित्राईएको छ ।
नेपाली कांग्रेसकी नेतृ तथा बरिष्ठ समाजसेवी डाक्टर आरजु राणा देउवाले बिशेष पुजा गरेर गौरा भित्राएकी हुन । गौराको पुजा तथा अर्चनाका लागि नेपाली कांग्रेकी नेतृ तथा डाक्टर आरजु राणा देउवा बिहीबार नै धनगढी आई पुगेकी हुन । गौरा भित्राउदै डाक्टर देउवाले आफु बिबाह गरेर सुदूरपश्चिम आएसंगै प्रत्येक बर्ष गौरा मनाउने गरेको बताईन । गौरा पर्ब सुदूरपश्चिमेलीहरुले गर्व गर्ने पर्व भएको बताउदै डाक्टर देउवाले भनिन्, यसको प्रवद्र्धनका लागि हामी नै जुट्नु पर्छ ।
यस पटक भदौ ६, ७ र ८ गते देउवा निवास धनगढीमा सामुहिक रुपमा गौरा खेल्ने कार्यक्रम रहेको नेपाली कांग्रेस धनगढीका नगरसभापती नृपबहादुर वडले बताए । पूर्व प्रधानमन्त्री तथा नेपाली कांग्रेसका सभापती शेरबहादुर देउवाबाट गौरालाई देशभरी चिनाउने र यस क्षेत्रमा गौराको बिदा दिने ब्यबस्था मिलाएको पनि नगरसभापती वडले बताए ।
गौरा भाद्र सप्तमीका दिन बाजागाजा सहित गौरा भित्राउने गरिन्छ । आठ प्रजातिका वनस्पतिहरु (धान, साउँ, पाती, कुर्जो, दुबो, कुस, तिल र अफामार्ग) बाट गौराको मूर्ति बनाइन्छ । नौ प्रकारका प्राकृतिक वनस्पतिबाट बनेकाले यसलाई नवदुर्गाको प्रतिक मान्ने गरिन्छ । यहि नौ प्रकारका वनस्पतिबाट बनेको मूर्ति भगवती अर्थात पार्वतीको मूर्ति हो । यसलाई गरगहना लगाएर खेतबाट बाजागासहित गौरा घरमा भित्राईन्छ ।
गौरालाई सुदूरपश्चिम प्रदेश, कर्णाली प्रदेशका साथै भारतको उत्तराखण्ड प्रदेशको कुमाउ र गढवालमा पनि मनाउने गरिन्छ ।  गौरा पर्व महिलाहरुले सौभाग्य, सुख, शान्ति र समृद्धिका लागि गरिने धार्मिक अनुष्ठान रहेको बताइएको छ ।