डोटीमा पत्रकारमाथि आक्रमणको प्रयास

डोटी, असार १६ - डोटीमा एक पत्रकारमाथि आक्रमणको प्रयास भएको छ । नेपाल पत्रकार महासंघ डोटी शाखाका साधारण सदस्य तथा खप्तड अनलाइन डोटीका सम्बादाता मनमोहन पनेरुमाथि अज्ञात् समूहले आक्रमणको प्रयास गरेको हो । 
डोटीको दिपायल सिलगढी नगरपालिका वडा नम्बर तीन पिपल्ला बजारबाट वडा नम्बर तीनकै पनेरु टोल जानेक्रममा मंगलवार बेलुका अज्य्ञात  मूहले आक्रमण गर्न खोजेको उनले बताए । सेती नदिको पुलमा तीन जनाको समूहले आक्रमणको प्रयास गरेको र आफू त्यहाँबाट भाग्न सफल भएको पनेरूको भनाइ छ। घटना बारे प्रहरीलाई सम्पर्क गर्न खोज्दा सम्पर्क हुन नसकेको उनको भनाइ छ । अज्ञात् समूहले समाचार लेखेको भरमा आक्रमणको प्रयास गरेको हुनसक्ने उनले बताए ।