कविताः ‘सत्य लेख्दै छ भानु’ विभूति अधिकारी

श्री गणेशाय नमः
शिर्षकः ‘सत्य लेख्दै छ भानु’
छन्दः मन्दाक्रान्ता

जागौँ जागौँ , कवि जनहरू , लेख्न यो लोकलाई 
लेखौँ लेखौँ , रसिक कविता , भेट्न आलोकलाई 
लम्कौँ लम्कौँ ,सुजन कवि हो ,चुम्न यी शैललाई 
छोपौँ छोपौँ ,वचन युगका ,सत्य सारा समाइ ।

लेखुन् हाम्रा कलम मनले सत्य साँचो सदैव 
छैनन् होला सरल कविता लेख्न गाह्रो अवश्य 
जे जे देख्छौ सर सर  यहाँ लेखिऊन्  सत्य सारा
लेखुन् लेखुन् कथन कविले तथ्य राखेर सारा । 

लेख्दै लेख्दै ,कवि अघि बढे , बढ्छ रे विश्व जम्मै
हिँड्दै हिँड्दै , कवि अघि सरे, सर्छ रे सृष्टि जम्मै 
लेख्नै छाडे , सरस कविता , चल्छ ब्रह्माण्ड के यो रु 
हिड्नै त्यागे , कवि मनहरू , सृष्टिमा रात्रि छायो ।

छेडी कालो , कुटिल रजनी , निस्क हे भानु निस्क 
ज्ञानी मानी , रवि किरण भै , निस्क नै पर्छ निस्क 
ूलोके सत्यम्ू , जप जप अझै , गुह्य धेरै छ जान्नु 
यो धर्तीको , गहन बुझिने , सत्य लेख्दैछ भानु ।।

विभूति अधिकारी 
दून एकेडेमी
धनगढी, कैलाली